მაკა ბოჭორიშვილი (დ.
15 აგვისტო, 1978, თბილისი) — ქართველი პოლიტიკოსი და დიპლომატი. 2018-2020 წლებში იყო საქართველოს წარმომადგენლობაში საგანგებო და სრულუფლებიანი დესპანი ბელგიის სამეფოში საქართველოს საელჩოში და ევროკავშირში. საქართველოს მე-10 მოწვევის პარლამენტის წევრი 2020 წლიდან.
მაკა ბოჭორიშვილი | |
---|---|
დაბადების თარიღი | 15 აგვისტო, 1978 |
დაბადების ადგილი | თბილისი |
მოქალაქეობა | საქართველო |
ეროვნება | ქართველი |
პარტია | ქართული ოცნება — დემოკრატიული საქართველო |
ჯილდოები |
1999-2004 წლებში იყო საქართველოს საგარეო საქმეთა სამინისტროს სამართლებრივი დეპარტამენტის სტაჟიორი, ატაშე, II მდივანი. 2002-2005 წლებში იყო საქართველოს დიპლომატიური აკადემიის ლექტორი. 2005-2009 წლებში მეორე მდივანი საქართველოს საელჩოში ბელგიის სამეფოში და საქართველოს წარმომადგენლობაში ევროკავშირში. 2005 წლიდან არის საქართველოს საგარეო საქმეთა სამინისტროს საერთაშორისო სამართლებრივი დეპარტამენტის I მდივანი. 2009-2010 წლებში იყო საქართველოს საგარეო საქმეთა სამინისტროს ევროინტეგრაციის დეპარტამენტის ევროკავშირ-საქართველოს შორის ურთიერთობების სამმართველოს უფროსი. 2010-2014 წლებში იყო მრჩეველი საქართველოს საელჩოში ბელგიის სამეფოში და საქართველოს წარმომადგენლობაში, ევროკავშირში. 2014-2015 წლებში საქართველოს საგარეო საქმეთა სამინისტროს ევროინტეგრაციის დეპარტამენტის დირექტორის მოადგილე. 2015-2017 წლებში საგანგებო და სრულუფლებიანი დესპანი საქართველოს საგარეო საქმეთა სამინისტროს საქართველოს საელჩო ავსტრიის რესპუბლიკაში და საქართველოს მუდმივი წარმომადგენლობაში ევროპის უსაფრთხოებისა და თანამშრომლობის ორგანიზაციასა და ქ. ვენაში განლაგებულ საერთაშორისო ორგანიზაციებში. 2017-2018 წლებში იყო საქმეთა დროებითი რწმუნებული. 2018-2020 წლებში – საქართველოს საგარეო საქმეთა სამინისტრო, საქართველოს საელჩო ბელგიის სამეფოში და საქართველოს წარმომადგენლობა ევროკავშირში, საგანგებო და სრულუფლებიანი დესპანი. მიღებული აქვს საქართველოს ღირსების ორდენი.
2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ქართული ოცნება — დემოკრატიული საქართველო“.
This article uses material from the Wikipedia ქართული article მაკა ბოჭორიშვილი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.