კამერონ დიასი
კამერონ დიასი (ინგლ.
30 აგვისტო, 1972) — ამერიკელი მსახიობი და ყოფილი მოდელი. პოპულარობა მოიპოვა 1990-იან წლებში, როდესაც მონაწილეობა მიიღო ფილმებში: „ნიღაბი“, „საუკეთესო მეგობრის ქორწილი“ და „ყველა მერიზე გიჟდება“. დიასმა ითამაშა აგრეთვე ფილმში „ჩარლის ანგელოზები“, სადაც შეასრულა ნატალი კუკის როლი. სხვადასხვა დროს ნომინირებული იყო ოქროს გლობუსზე შესრულებული როლებისთვის შემდეგ ფილმებში: „ყველა მერიზე გიჟდება“, „იყო ჯონ მალკოვიჩი“, „ვანილის ზეცა“ და „ნიუ-იორკის ბანდები“.
| კამერონ დიასი | |
|---|---|
 კამერონ დიასი 2010 წელს | |
| დაბადების სახელი | კამერონ მიშელ დიასი |
| დაბადების თარიღი | 30 აგვისტო, 1972 სან-დიეგო, კალიფორნია |
| საქმიანობა | მსახიობი მოდელი |
| აქტიური | 1988–93 (მოდელი) 1993–დღემდე (მსახიობი) |
ბიოგრაფია
კამერონ დიასი დაიბადა კალიფორნიის შტატის ქალაქ სან-დიეგოში, დედამისის საბაჟოს აგენტის ბილისა და მამამისის ნავთობის კომპანიის მუშაკის ემილიო დიასის ოჯახში. მამის მხრიდან კამერონის ბებია და პაპა ეროვნებით ესპანელები იყვნენ, რომლებიც დასახლდნენ აშშ-ში, კერძოდ, კი ქალაქ ტამპაში (ფლორიდის შტატი). კამერონის დედა ნახევრად ინგლისელი, გერმანელი და ჩეროკი წარმოშობისაა. კამერონს ჰყავს უფროსი და სახელად ხიმენე. 16 წლის ასაკში დიასმა კარიერა დაიწყო როგორც მოდელმა. მომდევნო წლებში კონტრაქტს აფორმებდა მსხვილ კომპანიებთან, მათ შორის იყო Calvin Klein Inc. და Levi Strauss & Co. 17 წლია ასაკში გამოჩნდა ჟურნალ Seventeen-ის გარეკანზე. კამერონ დიასი ესწრებოდა ლონგ-ბიჩის საშუალო პოლიტექნიკურ სკოლას. 21 წლის ასაკში ითამაშა ფილმში „ნიღაბი“, სადაც მისი პარტნიორი გახდა ჯიმ კერი.
2008 წლის 15 აპრილს, 58 წლის ასაკში კამერონს პნევმონიით მამა გარდაეცვალა. 1995 წლიდან დიასი ურთიერთობაში იმყოფებოდა მსახიობ მეტ დილონთან; 3 წლის შემდეგ წყვილი ერთმანეთს დაშორდა. 1999 წლიდან ხვდებოდა ჯერედ ლეტოს, თუმცა 2003 წელს ისინი ერთმანეთს დაშორდნენ 2003 წლიდან 2006 წლამდე ხვდებოდა მომღერალსა და მსახიობს ჯასტინ ტიმბერლეიკს, ხოლო 2010 წლის ივლისიდან 2011 წლის სექტემბრამდე ხვდებოდა ავსტრალიელ სპორტსმენს ალექს როდრიგესს.
ფილმოგრაფია
| წელი | ქართულად | მშობლიური სახელწოდება | როლი | |
|---|---|---|---|---|
| 1994 | ფ | ნიღაბი | The Mask | თინა კარლაილი |
| 1997 | ფ | ჩემი საუკეთესო მეგობრის ქორწილი | My Best Friend's Wedding | კიმი უოლასი |
| 1998 | ფ | ზაფრა და გულისრევა ლას-ვეგასში | Fear and Loathing in Las Vegas | ტელერეპორტიორი |
| 1998 | ფ | ყველა მერიზე გიჟდება | There's Something About Mary | მერი ჯენსენი |
| 1999 | ფ | იყო ჯონ მალკოვიჩი | Being John Malkovich | ლოტი |
| 2000 | ფ | ჩარლის ანგელოზები | Charlie's Angels | ნატალი კუკი |
| 2001 | ანფ | შრეკი | Shrek | პრინცესა ფიონა |
| 2001 | ფ | ვანილის ზეცა | Vanilla Sky | ჯილი |
| 2002 | ფ | ნიუ-იორკის ბანდები | Gangs of New York | ჯენი ევერდინი |
| 2003 | ფ | ჩარლის ანგელოზები: სრული წინსვლა | Charlie's Angels: Full Throttle | ნატალი კუკი |
| 2005 | ფ | მის ფეხსაცმელში | In Her Shoes | მეგი ფელერი |
| 2009 | ფ | ჩემი მფარველი ანგელოზი | My Sister's Keeper | სარა ფიცჯერალდი |
| 2011 | ფ | ცუდი მასწავლებელი | Bad Teacher | ელიზაბეთ ჰელზი |
| 2013 | ფ | მრჩეველი | The Counselor | მალკინა |
| 2014 | ფ | სხვა ქალი | The Other Woman | კარლი უითინი |
| 2014 | ფ | სექსის ჩანაწერები | Sex Tape | ენი |
| 2014 | ფ | ენი | Annie | მის ჰანინგანი |
რესურსები ინტერნეტში
სქოლიო
This article uses material from the Wikipedia ქართული article კამერონ დიასი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.