ზადენი
ზადენი — ქართულ მითოლოგიაში ერთ-ერთი ღვთაება, რომელსაც თაყვანს სცემდნენ ქრისტიანობის გავრცელებამდე, იყო ქართლის სამეფოს ერთ-ერთი უზენაესი ღმერთი.
არსებობს მოსაზრება, რომ იგი მცირეაზიურ-ხეთური წარმოშობისაა და უკავშირდება ლუვიელთა ღვთაება სათას (სანდონს). ამ მოსაზრების თანახმად მისი კულტი მცირე აზიიდან მოსულმა მესხებმა ქართლში დაამკვიდრეს. ზადენის კერპი მეფე ფარნაჯომმა აღმართა ძვ. წ. II საუკუნის პირველ ნახევარში მთა ზედაზნის (ზედა ზადენის) ძირში, ახლანდელ სოფელ წიწამურთან, სადაც იდგა ზადენის ციხე.
ზადენი სოფლის სახელად გვხვდება სამხრეთ საქართველოშიც (მესხეთში).
ლიტერატურა
- ქართული საბჭოთა ენციკლოპედია, ტ. 4, თბ., 1979. — გვ. 470.
This article uses material from the Wikipedia ქართული article ზადენი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.