საფეხბურთო კლუბი გრანადა

სხვა მნიშვნელობებისთვის იხილეთ გრანადა (მრავალმნიშვნელოვანი).

დაარსდა 1921 წელს, ანდალუსიის ავტონომიური გაერთიანების ქალაქ გრანადაში. ასპარეზობს ესპანეთის პრიმერა დივიზიონში, საშინაო მატჩებს ატარებს სტადიონ ნუევო ლოს კარმენესზე.

გრანადა

სრული სახელი	Granada Club de Fútbol, S.A.D.
მეტსახელი	ნასრიდები (ესპ. Nazaríes) გრანა (ესპ. El Graná)
დაარსდა	14 აპრილი, 1931; 93 წლის წინ (1931-04-14)
სტადიონი	ნუევო ლოს კარმენესი გრანადა, ესპანეთი (ტევადობა: 23,934 მაყურებელი)
პრეზიდენტი	ციან ლიჟანგი
მწვრთნელი	ტონი ადამსი
კაპიტანი	დიმიტრი ფულკიე
ლიგა	სეგუნდა დივიზიონი
2016-17	პრიმერა დივიზიონი, მე-20 ადგილი (დაქვეითდა)
საიტი	ოფიციალური საიტი
ძირითადი ფორმა რეზერვის ფორმა მესამე ფორმა

„რეალ ბეტისთან“ და „სევილიასთან“ ერთად „გრანადა“ არის მესამე ანდალუზიური კლუბი, რომელმაც მონაწილეობა მიიღო პრიმერა დივიზიონის გათამაშებაში. პირველად უმაღლეს ლიგაში აღზევდა 1941-42 წლების სეზონში, სადაც ჯამში 20 სეზონი გაატარა. საუკეთესო შედეგია მე-6 ადგილი, რომელიც 2 სეზონში დაიკავა. 1959 წელს ითამაშა ესპანეთის თასის ფინალში.

კლუბი დაარსდა 1931 წლის 14 აპრილს, როგორც „რეკრეატივო გრანადა“, პირველი პრეზიდენტი იყო ხულიო ლოპეს ფერნანდესი. პირველი საფეხბურთო მატჩი „გრანადამ“ ჩაატარა ხაენის „დეპორტივოს“ წინააღმდეგ, სადაც გაიმარჯვა ანგარიშით 2-1. ამ მატჩში კლუბის ისტორიაში პირველი გოლი გაიტანა ანტონიო ბომბილიარმა.

1941-42 წლების სეზონში „გრანადა“ პირველად აღზევდა პრიმერა დივიზიონში. შემდეგ 80-იან წლებამდე კლუბი ან პრიმერა დივიზიონში ასპარეზობდა ან სეგუნდა დივიზიონში. 70-იან წლებში „განადამ“ ზედიზედ 8 სეზონი გაატარა უმაღლეს ლიგაში და 2 სეზონში (1971-72 და 1972-73) დააფიქსირა კლუბის ისტორიის საუკეთესო შედეგი, მე-6 ადგილი.

1959 წელს „გრანადამ“ შეძლო ესპანთის თასის ფინალში გასვლა, სადაც სანტიაგო ბერნაბეუზე დამარცხდა „ბარსელონასთან, ანგარიშით 4-1.

1980-იან წლების დიდი ნაწილი კლუბმა გაატარა სეგუნდა დივიზიონსა და სეგუნდა დივიზიონ ბ-ში (დონით მესამე ჩემპიონატი). 2002-03 წლების სეზონში, ფეხბურთელებზე ხელფასების არ გადახდის გამო დაქვეითდა დონით მეოთხე ჩემპიონატში. 4 სეზონის შემდეგ, „გრანადაში“ მოვიდნენ მადრიდის „რეალის“ ყოფილი პრეზიდენტი ლორენცო სანსი და მისი შვილი პაკო, მათი დახმარებით კლუბმა შეძლო ჩემპიონატის მოგება და დონით მესამე ჩემპიონატში აღზევება. თუმცა კლუბს ფინანსური პრობლემები შეექმნა.

 

„გრანადამ“ ოთხი სეზონი გაატარა დონით მესამე ჩემპიონატშიც. 2009 წლის ივლისში, პინანსური პრობლემების გამო კლუბი დახურვის პირას იყო. პრობლემა მოგვარდა „უდინეზესთან თანამშრომლობით, რომელმაც „გრანადისგან“ ბევრი ფეხბურთელი შეიძინა, ხოლო „უდინეზესგან“ ანდალუზიურმა კლუბმა დუბლშემადგენლობით და აკადემიის ფეხბურთელებით მიიღო შევსება. 2009-10 წლების სეზონში „გრანადამ“ შეძლო პირველი ადგილის დაკავება რეგიონულ ჩემპიონატში, გაიმარჯვა პლეი-ოფში და 22 წლიანი პაუზის შემდეგ აღზევდა სეგუნდა დივიზიონში.

2010-11 წლების სეზონში, კლუბმა დაიკავა მე-5 ადგილი. მოთამაშეების უმეტესობა იჯარის წესით ირიცხებოდა „უდინეზედან“. 2011 წლის 18 ივნისს, სეგუნდა დივიზიონის პლეი-ოფში „გრადანამ“ პენალტების სერიაში დაამარცხა „სელტა (1-1) და სტუმრად გატანილი გოლის წესით „ელჩე“ (ანგარიში ჯამში 1-1), შედეგად 35 წლიანი პაუზის შემდეგ აღზევდა პრიმერა დივიზიონში.

შენიშვნა: დროშა აღნიშნავს ეროვნულ ნაკრებს რომელიც განსაზღვრულია ფიფა-ს წესებით. მოთამაშეები შესაძლოა რამდენიმე ფიფა-ს არაწევრ ქვეყანას/ტერიტორიას მიეკუთვნებოდნენ.

№ პოზიცია ქვეყანა მოთამაშე 1 მეკარე   პორტუგალია რუი სილვა 3 მცველი   ურუგვაი გასტონ სილვა 4 ნახევარმცველი   ესპანეთი სერხი სამპერი 5 მცველი   ნიგერია უჩე აგბო 6 მცველი   ესპანეთი დავიდ ლომბანი 7 თავდამსხმელი   კოლუმბია ადრიან რამოსი 8 ნახევარმცველი   განა მუბარაკ ვაკასო 9 თავდამსხმელი   არგენტინა ესეკიელ პონსე 10 ნახევარმცველი   კოტ-დ’ივუარი ჟერემი ბოგა 11 ნახევარმცველი   საბერძნეთი პანაგიოტის კონე 13 მეკარე   მექსიკა გილიერმო ოჩოა 14 მცველი   საფრანგეთი ფრანკ ტაბანუ 15 ნახევარმცველი   ისრაელი ომერ ატცილი

№ პოზიცია ქვეყანა მოთამაშე 16 ნახევარმცველი   მაროკო მეჰდი კარსელა-გონსალესი 17 მცველი   პორტუგალია რუბენ ვეზუ 18 ნახევარმცველი   ბრაზილია ანდრეას პერეირა 19 ნახევარმცველი   ესპანეთი ისააკ კუენკა 20 მცველი   საფრანგეთი მატიე სონიე 21 ნახევარმცველი   სლოვენია რენე კრჰინი 22 მცველი   საფრანგეთი დიმიტრი ფულკიე (კაპიტანი) 23 მცველი   ესპანეთი ექტორ ერნანდესი 24 თავდამსხმელი   უკრაინა არტემ კრავეცი 25 მცველი   ისლანდია სვერირ ინგასონი 26 ნახევარმცველი   კოტ-დ’ივუარი ვიქტორიენ ანგბანი 34 ნახევარმცველი   მალი ალი მალე

• ესპანეთის თასი
  • ფინალისტი (1): 1958/59
• სეგუნდა დივიზიონი
  • გამარჯვებული (3) 1940/41, 1956/57, 1967/68
• სეგუნდა დივიზიონი ბ
  • გამარჯვებული (3) 1982/83, 1999/2000, 2009/10
• ტერსერა დივიზიონი
  • გამარჯვებული 1933/34, 2003/04, 2005/06

• ოფიციალური საიტი
• გრანადა Twitter-ზე
• კლუბის პროფილი Soccerway-ზე
• კლუბის პროფილი Transfermarket-ზე