Granada Club De Fútbol

Etxeko partiduak Nuevo Los Cármenes estadioan jokatzen ditu.

Granada Club de Fútbol
Datuak
Mota	futbol-kluba
Herrialdea	Espainia
Liga	Espainiako futbol ligako lehen maila, Espainiako futbol ligako lehen maila eta Espainiako futbol ligako bigarren maila
Estadioa	Nuevo Los Cármenes estadioa: Granada 37°09′11″N 3°35′45″W / 37.153°N 3.5957°W / 37.153; -3.5957  19.436
Agintea
Lehendakaria	Jiang Lizhang (en)
Entrenatzailea	Alexander Medina (en)
Egoitza nagusi	Granada
Jabea	Jiang Lizhang (en)
Historia
Sorrera	1931
Koloreak
Etxekoa 　 Kanpokoa
webgune ofiziala

 

 

 

Sorrera eta hasierako urteak

1931eko apirilaren 6ean eratu zen Club Recreativo Granada taldea. Berehala irabazi zuen bere lehenengo txapelketa, 1933ko Andaluziako Kopa hain zuen ere. Gerra Zibila bukatzean bigarren mailan sartua izan zen eta berahala lehen mailara igotzea lortu zuen, 1940-41ean hain zuzen ere. Lau urte eman zituen gainera goiko mailan.

Lehen mailako urteak

Hamabi urte bigarren mailan egin ondoren berriz ere lehen mailara lortzea lortu zuen 1956-57 denboraldian bigarren mailako txapeldun gelditzean eta 1959an Errege Kopako finalista izan zen. Bartzelonak 4-1 irabazi zion finalean.

Titulurik irabazi ez arren lehen mailako ohiko taldea bihurtu zen Granada 1965ean hirugarren igoera lortu ondoren. Batez ere 1968 eta 1976 artean zortzi denboraldiz jarraian mantendu baitzen bertan. Posturik onena 6.a izan zuen 1971-1972 eta 1973-1974 denboraldietan.

Hiru hamarkada putzu sakonean

Klubak 50 urteurrena betetzen zuen urtean 2.B mailara jeitsi zen Granada eta bertan urte mordoxka bat egin ditu. 2002an gainera diru arazoak zirela eta hirugarren mailara ere jeitsi zen.

Berpizkundea

2009-10 urtean 2.B mailatik ateratzeko talde indartsua osatu zuen eta bigarren mailarako igoera lortu zuen. Hurrengo urtean Ligan 5. sailkatu zen, baina urte hartan igoera sistema aldatu zen, izan ere lehenengo bi sailkatuak zuzenean igotzen baziren ere 3 eta 6. postuen artean zeudenek ligaxka bat jokatu behar zuten eta ligaxka hori irabaztea lortu zuenez Granadak berriz ere lehen mailara igotzea lortu zuen.

2011-12 denboraldian lehen mailan aritu zen eta mantentzea lortu zuen azken jardunaldiko 87. minutuan Atlético Madrileko Falcaok Vila-Reali sarturiko gol bati esker. Hurrengo denboraldian jeitsiera postutatik kanpora mantendu zen eta 15. postua eskuratu zuen azkenean. 2013-14 denboralditik aurrera azken jardunaldian salbatu da. 2016-17an azken postuetan egon zen denboraldi guztian eta gabonetan fitxaketa ugari egin arren azken postuan amaitu zuen.

2019an berriz itzuli zen lehen mailara. Denboraldiko lehen itzulia bikaina egin zuen eta Errege Kopan finalerdietara iritsi zen 51 urte beranduago, baina Athleticek kanporatu egin zuen kanpoko golaren balioagatik. Azken jardunaldian ordea Athletici 4-0 irabazi eta zazpigarren postuan kokatu zenez historian aurreneko aldiz Europako txapelketetarako sailkatu zen.

Taldeak hasiera batean marra zuri urdindun elastikoa izan zuen. Gerra Zibila amaitu ondoren kolore bereko elastikoak aurkitu ez eta Madrilgo Saltoki Handi batzuetan elastiko zuri-gorriak erosi zituzten. 1960. hamarkadan gainerako taldeetatik bereiztu asmoz marra horizontalak zituzten kamisetak hartu zituzten. Ordutik aurrera bertikalak eta horizontalak txandakatu zituzten baina 2005ean egindako asanblada batean marra horizontalak finkatzea erabaki zen.

Historikoa

1931

1939-1954

1960

Azken urteak

2018-2019

2019-2020

2020-2021

2021-2022

2022-2023

2023-2024

2023-24 barne:

• Denboraldiak 1. mailan: 27
• Denboraldiak 2. mailan: 34
• Denboraldiak 2. B mailan: 22
• Denboraldiak 3. mailan: 5
• Ligako posturik onena: 6.a Lehen mailan (1971-72, 1973-74)

2023ko uztailaren 19an eguneratua.

Zbk. Postua Jokalaria 1   ATE Raúl Fernández 4   ATZ Miguel Rubio 6   ERD Yann Bodiger 7   AUR Alberto Soro 9   AUR José Callejón 10   AUR Antonio Puertas 11   AUR Myrto Uzuni 12   ERD Víctor Meseguer 13   ATE André Ferreira 14   ATZ Ignasi Miquel 15   ATZ Carlos Neva 16   ATZ Víctor Díaz 18   ERD Njegos Petrovic

Zbk. Postua Jokalaria 20   ERD Sergio Ruiz 21   ERD Óscar Melendo 22   AUR Alberto Perea 25   AUR Shon Weissman 26   AUR Bryan Zaragoza 28   ATZ Raúl Torrente 30   ATZ Ricard Sánchez -   ATZ Pepe Sánchez -   AUR Famara Diédhiou -   ATZ Alpha Diounkou -   ERD Isma Ruiz -   AUR Antoñín -   ATZ Jesús Vallejo (Real Madrildik utzita)

=== Espainiako txapelketak: 4

=== 

• Espainiako futbol ligako lehen maila: 0
  • seigarren 1971-72 eta 1973-74a.
• Espainiako futbol ligako bigarren maila: 4
  • 1940-41, 1956-57, 1967-68, 2022-23
• Futboleko Espainiako Errege Kopa: 0
  • finalista 1959an.

Andaluziako txapelketak: 1

• Andaluziako Kopa: 1
  • 1932-33

• (Gaztelaniaz) Granadaren webgune ofiziala