ბაზ ოლდრინი (ინგლ.
20 იანვარი 1930, გლენ-რიჯი, ნიუ-ჯერსი, აშშ) — ამერიკელი ავია-ინჟინერი, აშშ-ის სამხედრო-საჰაერო ძალების გადამდგარი პოლკოვნიკი და ნასა-ს ასტრონავტი. კორეის ომის მონაწილე.
1951 წელს დაამთავრა აშშ-ის სამხედრო აკადემია. 1959 წელს შევიდა მასაჩუსეტსის ტექნოლოგიურ ინსტიტუტში. 1963 წელს დაიცვა სადოქტორო დისერტაცია კოსმოსური ხომალდების შეპირაპირების საკითხზე და მიიღეს აერონავტიკისა და კოსმოსური სივრცის კვლევის ეროვნული სამმართველოს კოსმონავტთა რაზმში. პირველი ასტრონავტი, რომელმაც კოსმოსში საფრენად მზადების მსვლელობაში წყალში ჩაყვინთა კოსმოსური სკაფანდრით. 1966 წლის 11-15 ნოემბერს ჯ. ლოველთან ერთად იფრინა კოსმოსში ხომალდ ჯემინი 12-ით, გამოვიდა ღია კოსმოსში და დაჰყო 2 საათი და 10 წუთი. შემდგომში მონაწილეობდა ჯემინისა და აპოლოს ორბიტაზე დაახლოების ტექნიკის დამუშავებაში. 1969 წლის 16-25 ივლისს ნ. არმსტრონგსა და მ. კოლინზთან ერთად შეასრულა პირველი გაფრენა მთვარეზე. იყო ხომალდ აპოლო 11-ის მთავარი კაბინის პილოტი. 1969 წლის 20 ივლისს ხომალდი დაეშვა მთვარეზე სიმშვიდის ზღვის რაიონში; 21 ივლისს ბ. ოლდრინი გამოვიდა კაბინიდან (1.5 სთ). სულ მთვარეზე დაჰყო 21 საათი და 36 წუთი.
მის სახელს ატარებს მთავრის წინა მხარის კრატერი — ოლდრინი.
This article uses material from the Wikipedia ქართული article ბაზ ოლდრინი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.