ბადრი ჯაფარიძე (დ.
10 ივლისი, 1960, ქუთაისი) — ქართველი ბიზნესმენი, პოლიტიკოსი.
ბადრი ჯაფარიძე | |
საქართველოს მე-10 მოწვევის პარლამენტის წევრი | |
---|---|
თანამდებობაზე ყოფნის დრო | |
11 დეკემბერი, 2020 – 15 თებერვალი, 2022 | |
პრეზიდენტი | სალომე ზურაბიშვილი |
დაბადებული | 10 ივლისი, 1960 ქუთაისი, საქართველოს სსრ, სსრკ |
მოქალაქეობა | სსრკ → საქართველო |
ეროვნება | ქართველი |
განათლება | თბილისის სახელმწიფო უნივერსიტეტი |
1982 წელს დაამთავრა თბილისის სახელმწიფო უნივერსიტეტის ფილოსოფია-ფსიქოლოგიის ფაკულტეტი, ხოლო 1985 წელს მოსკოვის ლომონოსოვის სახელობის სახელმწიფო უნივერსიტეტის ფსიქოლოგიის ფაკულტეტის ასპირანტურა. 1985 წლიდან იყო თბილისის ივანე ჯავახიშვილის სახელობის სახელმწიფო უნივერსიტეტის შრომისა და საინჟინრო ფსიქოლოგიის კათედრის ლაბორანტი, უმცროსი მეცნიერ-თანამშრომელი, მეცნიერ-თანამშრომელი.
1990 - 1991 წლებში იყო საქართველოს რესპუბლიკის პირველი მოწვევის უზენაესი საბჭოს წევრი (ონის მაჟორიტარი), ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). 1992 - 2019 წლებში იყო „თი-ბი-სი“ ბანკის სამეთვალყურეო საბჭოს თავმჯდომარის მოადგილე, 1995-2019 წლებში დირექტორატის წევრი.
2004 წლიდან ამერიკის სავაჭრო პალატის დირექტორატის წევრი. გამოქვეყნებული აქვს 10 სამეცნიერო ნაშრომი.
2020 წლიდან არის პოლიტიკური გაერთიანება „ლელოს“ გენერალური მდივანი. საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ლელო საქართველოსთვის“.
2022 წლის 15 თებერვალს ბადრი ჯაფარიძეს შეუწყვიტეს სადეპუტატო უფლებამოსილება, რის მიზეზიც გახდა სასამართლოს გამამტყუნებელი გადაწყვეტილება.
This article uses material from the Wikipedia ქართული article ბადრი ჯაფარიძე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.