არკადი ხინთიბიძე

8 იანვარი, 1898, ძიმითი — გ. 4 აგვისტო, 1963, თბილისი) — ქართველი მსახიობი და რეჟისორი. საქართველოს ხელოვნების დამსახურებული მოღვაწე (1958).

ქუთაისის რეალური სასწავლებლის დამთავრების შემდეგ მასწავლებლად განაწესეს ნაგომარის სასოფლო სკოლაში, აქვე ადგილობრივ სასცენო მოყვარეთა შორის დაიწყო მსახიობობა. სამხედრო ვალდებულების მოხდის შემდეგ მსახიობის ოსტატობას ეუფლებოდა აკაკი ფაღავას სტუდიასა და პროლეტკულტის ტექნიკუმში. 1923 წლიდან შემოქმედებითი მოღვაწეობა დაიწყო თბილისის „წითელ თეატრში“ და კინომსახიობთა სტუდიაში. 1924 წლიდან იღებდნენ კინოში. 1928 წელს დაამთავრა თბილისის სახელმწიფო უნივერსიტეტის იურიდიული ფაკულტეტი. მონაწილეობა მიიღო თეატრის პირველ დადგმაში „რიჟრაჟი“. 1936–1948 წლებში ეწეოდა პედაგოგიურ მოღვაწეობას და იყო სასწავლო ნაწილი თბილისის სტუდიასთან არსებულ კინომსახიობთა სკოლაში. 1924 წლიდან იღებენ კინოში, როლები: ყარამანი („ვინ არის დამნაშავე“, 1925), ივანე („ჯანყი გურიაში“, 1928), კოჩია („უდაბნო“, 1932), ტიტიკო („დარიკო“, 1936), მიქელა კალმახელიძე („დაკარგული სამოთხე“, 1937), ლომკაცა („ქალიშვილი ხიდობნიდან“, 1940) და სხვა. ფილმში „ვინ არის დამნაშავე?“, შექმნა დინჯი, საქმიანი, სიტყვის კაცის ზომიერი, სკულპტურული სახე. 1949 წლიდან დამდგმელი რეჟისორი ანიმაციური ფილმებისა: „მამაცი მთამსვლელები“ (1950), „ჯაფარა“ (1951), „წავი ჩუკა“ (1953), „ნიკო და ნიკორა“ (1954), „ჩხიკვთა ქორწილი“ (1957), „მტრობა“ (1959), „წუნა და წრუწუნა“ (1961), „ნახევარ-წიწილა“ (1962), „ქორბუდა“ (1963) და სხვა. არკადი ხინთიბიძე 10 ანიმაციური ფილმის ავტორია და არის ქართული მულტიპლიკაციური კინოს კლასიკოსი. ანიმაციურმა ფილმმა „მტრობამ“ მიიღო პრემია მინსკის III საკავშირო კინოფესტივალზე და დიპლომი ლოკარნოს XIII საერთაშორისო კინოფესტივალზე. არკადი ხინთიბიძემ სიცოცხლე თვითმკვლელობით დაასრულა 1963 წელს.

ფილმების დამდგმელი რეჟისორი

• 1950: „მამაცი მთასვლელები“ (ანიმაციური ფილმი) რეჟ. ვლადიმერ მუჯირთან ერთად
• 1951: „ჯაფარა“ (ანიმაციური ფილმი)
• 1955: „წუნა და წრუწუნა“ (ანიმაციური ფილმი)
• 1957: „ჩხიკვთა ქორწილი“ (ანიმაციური ფილმი)
• 1959: „მტრობა“ (ანიმაციური ფილმი)

სცენარის ავტორი ფილმებისა

• 1951: „ჯაფარა“ (ანიმაციური ფილმი) ალექსანდრე (სანდრო) შანშიაშვილთან ერთად რეჟ. არკადი ხინთიბიძე
• 1955: „წუნა და წრუწუნა“ (ანიმაციური ფილმი) რევაზ (რეზო) ებრალიძესთან ერთად რეჟ. არკადი ხინთიბიძე
• 1959: „მტრობა“ (ანიმაციური ფილმი) რევაზ (რეზო) ებრალიძესთან ერთად რეჟ. არკადი ხინთიბიძე

გადაღებულია ფილმებში

• 1925: „ათასის ფასად („დაჰკრა ჟამმა“)“ რეჟ. ვლადიმერ ბარსკი
• 1925: „ვინ არის დამნაშავე?“ (ყარამანი) რეჟ. ალექსანდრე წუწუნავა
• 1927: „კრაზანას ბუდე“ რეჟ. ივანე პერესტიანი
• 1928: „ახალგაზრდობა იმარჯვებს“ (ისმაილი) რეჟ. მიხეილ გელოვანი
• 1928: „ჯანყი გურიაში“ (ივანე–აზნაური) რეჟ. ალექსანდრე წუწუნავა
• 1930: „უსინათლო“ რეჟ. მიხეილ კალატოზიშვილი
• 1930: „ამერიკანკა“ (არალეგალური სტამბის მუშა) რეჟ. ლეო ესაკია
• 1930: „ვისი ბრალია?“ რეჟ. სერგეი ფედორჩენკო
• 1931: „ლურსმანი ჩექმაში“ (ბრონირებული მატარებლის უფროსი) რეჟ. მიხეილ კალატოზიშვილი
• 1931: „დამკვრელი“ (მუშის მეგობარი) რეჟ. მიხეილ გელოვანი
• 1932:„შაქირი (როტე ფანე)“ რეჟ. ლეო ესაკია
• 1932: „უდაბნო“ (კოჩია) რეჟ. ნიკოლოზ სანიშვილი
• 1934: „უკანასკნელი მასკარადი“ (ენაბლუ ტუსაღი) რეჟ. მიხეილ ჭიაურელი
• 1934: „ჟუჟუნას მზითევი“ (დარაჯი) რეჟ. სიკო ფალავანდიშვილი
• 1934: „ნახვამდის“ (მოქეიფე ახალგაზრდა) რეჟ. გიორგი მაკაროვი
• 1936:„დარიკო“ (ტიტიკო) რეჟ. სიკო დოლიძე
• 1937:„დაკარგული სამოთხე“ (მიქელა – აზნაური) რეჟ. დავით რონდელი
• 1940: „მეგობრობა“ (ფოსტალიონი) რეჟ. სიკო დოლიძე
• 1940:„ქალიშვილი ხიდობიდან“ (ლომკაცა) რეჟ. დიომიდე ანთაძე

• 1958: საქართველოს ხელოვნების დამსახურებული მოღვაწე

• გვენცაძე, ა., ქართული საბჭოთა ენციკლოპედია, ტ. 11, თბ., 1987. — გვ. 484.

• არკადი ხინთიბიძე — საქართველოს ბიოგრაფიული ლექსიკონი
• არკადი ხინთიბიძე [დაარქივებული] — ეროვნული ფილმოგრაფია