ათელსტანი (ინგლ.
დაახლ. 895 — გ. 27 ოქტომბერი, 939) — ანგლოსაქსების მეფე 924-927 წლებში და ინგლისის მეფე 927-939 წლებში. უესექსის დინასტიის წარმომადგენელი. ედუარდ უფროსის და მისი პირველი ცოლის შვილი. თანამედროვე ისტორიკოსების აზრით ის ერთ-ერთი უდიდესი ანგლო-საქსი და ინგლისელი მონარქია. ათელსტანი არასდროს დაქორწინებულა და მისი გარდაცვალების შემდეგ ინგლისის მეფე მისი ნახევარ-ძმა ედმუნდი გახდა.
924 წლის ივლისში, როდესაც ედუარდ უფროსი გარდაიცვალა, ათელსტანმა მერსიის მეფობა მიიღო, მისი ნახევარ-ძმა ეთელვირდი უესექსის მეფე გახდა, თუმცა მოულოდნელად გარდაიცვალა და უესექსშიც ათელსტანი გამეფდა. 927 წელს ათელსტანმა აიღო ქალაქი იორკი და ამით ბოლო ვიკინგური სამეფო, ნორთუმბრია დაიპყრო, ამ წარმატების შემდეგ ის გახდა პირველი ანგლო-საქსი მეფე რომელმაც მთელი ინგლისი თავის მმართველობის ქვეშ მოაქცია. 937 წელს ინგლისში შოტლანდიის მეფე კონსტანტინე II შემოიჭრა. ათელსტანმა ბრუნანბურგის ბრძოლაში დაამარცხა შოტლანდიელები. ამ გამარჯვებამ მას უდიდესი რეპუტაცია მოუტანა ინგლისში და ევროპის კონტინენტზე. 939 წელს, ათელსტანის გარდაცვალების შემდეგ ვიკინგებმა აღადგინეს კონტროლი იორკზე 954 წლამდე, სანამ ინგლისელები საბოლოოდ არ განათავისუფლებდნენ მას ვიკინგებისგან.
This article uses material from the Wikipedia ქართული article ათელსტანი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.