Vakuola

Cuwèran iki ya iku banyu lan manéka dat sing larut ing njeroné. Vakuola tinemu ing kabèh sel tetuwuhan nanging ora ditemoni ing sel kéwan lan bakteri, kejaba ing kéwan uniseluler tingkat asor.

Ing sel godhong diwasa, vakuola ndhominasi sapérangan gedhé ruang sel saéngga asring sel katon minangka ruang kosong amarga sitosol kadhesek nuju pérangan pinggiring sel.

Kanggo tetuwuhan, vakuola duwé peran wigati banget sajeroning kauripan amarga mekanisme pertahanan uripé gumantung ing kamampuan vakuola njaga konsèntrasi dat-dat kalarut ing njeroné. Prosès alum, upamané, dumadi amarga vakuola kèlangan tekanan turgor ing dinding sel. Sajeroning vakuola kakumpul uga sapérangan gedhé bahan-bahan sing mbebayani kanggo prosès metabolisme sajeroning sel amarga tetuwuhan ora duwé sistem ekskresi sing èfèktif kaya déné ing kéwan. Tanpa vakuola, prosès kauripan ing sel bakal mandheg amarga dumadi kaconing reaksi biokimia.