Santa Agnes (291–304, dipèngeti saben tanggal 21 Januari) iku sawijining santa lan martir kenya saka Gréja Katulik Roma lan Gréja-Gréja Katulik Wétan.
Panjenengané uga diakoni déning Gréja Inggris lan Komuni Anglikan sarta déning Ortodoksi Wétan. Panjenengané iku salah siji saka pitu wanita, saliyané Santa Kenya Maria, sing dipèngeti kanthi disebutaké jenengé sajeroning Kanon Misa. Panjenengané iku Santa Pelindhung kamurnèn, para tukang kebon, bocah-bocah gadis, para pasangan sing wis tunangan, para kurban ruda peksa, lan para kenya.
Santa Agnes | |
---|---|
Miyos | 291 |
Tilar donya | 304 |
Dipun urmati ing | Gréja Katulik Roma, Gréja Ortodoks Wétan, Gréja Anglikan, Gréja Ortodoks Oriental, Gréja Lutheran Injili ing Amérika |
Papan ziarah utama | Roma |
Dinten pèngetan | 21 Januari |
Atribut | cempé |
Pangreksa | pasangan sing wis tunangan; kaprawanan; Putra-putri Maria; Colegio Capranica ing Roma; asil panen; pasangan sing wis tunangan; tukang kebon; gadis pramuka; bocah-bocah gadis; kurban ruda peksa; para kenya; Kabiskopan Rockville Centre, New York |
Portal Santo |
Panjenengané uga ditepungi minangka Santa Agnes saka Roma lan Santa Ines. Tanggal pèngetané ya iku 21 Januari. Sadurungé, panjenengané uga dipèngeti saben tanggal 28 Januari. Tanggal pèngetan Santa Agnes sing keloro iki dibusak sajeroning réformasi Kalèndher Gréja sawisé Konsili Vatikan II. Minangka pangurmatan marang Santa Agnes, atusan gedhong Gréja dijenengi miturut jenengé, kalebu loro gedhong Gréja gedhé sing misuwur lan sawijining Katedral Gréja Anglikan ing Kyoto, Jepang. Sajeroning seni, panjenengané dilukisaké bebarengan sawijining cempé amarga jenengé duwé kamèmperan uni karo tembung Latin agnus, sing tegesé "cempé." Jeneng "Agnes" sajatiné asalé saka adjektiva feminin sajeroning Basa Yunani, ya iku hagnē (ἁγνή) sing tegesé "bening, murni, suci." Hrosvit saka Gandersheim nulis sawijining drama ngenani Santa Agnes nalika abad kaping 10.
Wiki Commons duwé médhia ngenani Saint Agnes. |
This article uses material from the Wikipedia Basa Jawa article Santa Agnes, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.