Predestinasi

Karakter religius predestinasi mbedakaké saka gagasan liya kaya ta determinisme lan kehendak bébas. Wong-wong kang percaya ing predestinasi, percaya yèn sadurungé Panciptan, Gusti wis nemtokaké nasib alam saisiné ing sekabèhing wektu lan ruwang.

Arminian duwé pamanggih yèn predestinasi Gusti dhedhasar pra-kawruh Gusti. Wong-wong iki percaya yèn Gusti milih wong-wong kang dingertèni disik, gelem percaya dislametake, saéngga pra-kawruh Gusti mau dhedhasar ing syarat utawa kaanan kang diwangun déning manungsa.

Lutheran percaya yèn umat pilihan dipredestinasi kanggo kaslametan. Ora kaya Calvinis, Lutheran ora percaya ing predestinasi kanggo kebinasaan utawa reprobasi. Swaliké, Lutheran ngajaraké hukuman kekal ya iku asil saka dosa-dosa wong fasik, panulakan marang pengampunan dosa, lan ora percayané. Sikap Martin Luther marang predestinasi diatur ing On the Bondage of the Will, kang diterbitaké ing taun 1525. Buku iki dipublikasikaké déning Luther anggomé nanggepi risalah kang diterbitaké déning Desiderius Erasmus taun 1524 misuwur minangja On Free Will. Luther ndasaraké pandangané ing Efesus 2:8-10, kang ngandakaké: "Sebab jalaran kasih karuniamu dislametaké déning iman; iku dudu asil usahamu, nanging pawèwèhé Gusti, iku dudu asil gawéyanmu: aja ana wong kang gumedhé. Amarga kita iki gawéyané Gusti, diciptakaké Kristus Yesus kanggo nindakaké pagawéan kang apik, kang disiyapaké Gusti sadurungé. Gusti gelem, supaya kita urip ing jeroné."