Filem Parkland
Parkland inggih punika filem sandiwara sujarah saking Amérikah Sarékat ingkang dipundamel ing taun 2013.
Filem punika dipunsutradarani Peter Landesman. Piyambakipun ugi ingkang nganggit skénarionipun. Filem punika dipunangkat saking buku anggitanipun Vincent Bugliosi ingkang sesirah Four Days In November ingkang kaanggit taun 2008, nyariyosaken tragedhi sedanipun présidhèn Amérikah Sarékat, John F. Kennedy. Prodhuser filem punika antawisipun Tom Hanks, Gary Goetzman, lan Bill Paxton kanthi kabiyantu déning Exclusive Media kagunganipun Nigel lan Matt Sinclair.
| Parkland | |
|---|---|
 Theatrical release poster | |
| Disutradarani | Peter Landesman |
| Diprodhuseri | Gary Goetzman Tom Hanks Bill Paxton Nigel Sinclair Matt Sinclair |
| Diskénariyoni | Peter Landesman |
| Adhedhasar | Reclaiming History: The Assassination of President John F. Kennedy déning Vincent Bugliosi |
| Dibintangi | James Badge Dale Zac Efron Jackie Earle Haley Colin Hanks David Harbour Marcia Gay Harden Ron Livingston Jeremy Strong Billy Bob Thornton Jacki Weaver Tom Welling Paul Giamatti |
| Dimusiki | James Newton Howard |
| Sinématografi | Barry Ackroyd |
| Dibesut déning | Markus Czyzewski Leo Trombetta |
Perusahaan prodhuksi | American Film Company Playtone |
| Dibabar déning | Exclusive Media Group |
Tanggal metu | |
Suwéné | 93 menit |
| Nagara | Amérikah Sarékat |
| Basa | Basa Inggris |
| Rantaman | $10 yuta |
| Kalarisan | $1,412,181 |
Latar wingking
Parkland ngangkat cariyos babagan tragedhi sedanipun présidhén Amérikah Sarékat, John F. Kennedy (JFK) ing taun 1963. Cariyos utami ingkang kasuguhaken wonten filem punika kapundhut saking perspektif tiyang-tiyang limrah ingkang dumadakan kalebet wonten ing tragedhi punika. Tiyang-tiyang wau inggih punika dokter mudha lan suster ing Griya Sakit Parkland, kepala dhinas wadi Dallas, juru kodhak ingkang keleresan ngrekam tragedhi punika, agen Federal Bureau of Investigation (FBI), Lee Harvey Oswald, lan para petugas panjagi kaamanan présidhèn, ugi kalebet Robert Oshwald ingkang ngurus kangmasipun minangka ingkang tumindak mejahi présidhèn, ingkang kasusul kanthi panembakan Lee Oswald (pelaku) dipuntembak medal sasampunipun saking ruang penyidikan. Filem Parkland dipunsutradarani lan dipunserat skénarionipun déning Peter Landesman adhedasar saking buku Four Days In November anggitanipun Vincent Bugliosi. Filem punika dipunparagani Zac Efron, Marcia Gay Harden, Billy Bob Thornton, Paul Giamatti lan Ron Linvingston.
Filem punika dipundamel wiwit wulan Januari 2013 ing Austin, Texas, Amérikah Sarékat. Peter Landesman minangka sutradara mratélakaken bilih filem punika mboten badhé nyuguhaken warni-warni téyori konspirasi ingkang wonten sesambetanipun kaliyan tragedhi sedanipun présidhén Kennedy. Parkland dipunbabar ingkang kaping pisan nalika pangaji ka-70 Venice International Film Festival lan sasampunipun ugi dipuntepangaken dhumateng para panyarta wonten adicara Festival Film Internasional Toronto 2013. Wonten ing format DVD lan Blu-ray, filem punika dibabar ing tanggal 5 November 2013.
Sasampunipun kababar, filem Parkland nampeni atur sapala ingkang warni-warni. Rotten Tomatoes nyathet, filem punika pikantuk rating 49% dhedhasar 119 tiyang ingkang mbiji. Wondéné Metacritic mratelakaken bilih filem punika gadhah biji 51 dumugi 100, ingkang ateges bilih filem punika saget dipuntampi.
Ingkang maragani
- James Badge Dale minangka Robert Edward Lee Oswald, Jr.
- Zac Efron minangka Dr. Charles James "Jim" Carrico
- Jackie Earle Haley minangka Father Oscar Huber
- Colin Hanks minangka Dr. Malcolm O. Perry
- David Harbour minangka James Gordon Shanklin
- Marcia Gay Harden minangka Head Nurse Doris Nelson
- Ron Livingston minangka James P. Hosty[not in citation given]
- Jeremy Strong minangka Lee Harvey Oswald
- Billy Bob Thornton minangka Secret Service Agent Forrest Sorrels
- Jacki Weaver minangka Marguerite Oswald
- Tom Welling minangka Secret Service Agent Roy Kellerman
- Paul Giamatti minangka Abraham Zapruder
- Dana Wheeler-Nicholson minangka Lillian Zapruder
- Bitsie Tulloch minangka Marilyn Sitzman
- Brett Stimely minangka Présidhèn John F. Kennedy
- Kat Steffens minangka Ibu Nagara Jacqueline Kennedy
- Gil Bellows minangka David Powers
- Sean McGraw minangka Lyndon B. Johnson
- Rory Cochrane minangka Earl Rose
- Mark Duplass minangka Kenneth O'Donnell
- Jimmie Dale Gilmore minangka Reverend Saunders
- Matt Barr minangka Paul Mikkelson
- Jonathan Breck minangka Winston Lawson
- Gary Grubbs minangka Dr. Kemp Clark
- Bryan Batt minangka Malcolm Kilduff
- Glenn Morshower minangka Mike Howard
- Armando Gutierrez minangka Glen McBride
- Austin Nichols minangka Emory Roberts
- Gary Clarke minangka George Burkley
Rujukan
Pranala njawi
- Official website
- Parkland ing Internet Movie Database
- Parkland ing Box Office Mojo
- Parkland ing Rotten Tomatoes
- Parkland ing Metacritic
- Parkland ing Facebook
- Parkland ing Twitter
- Article | "The Pink Suit" | Portland Magazine
This article uses material from the Wikipedia Basa Jawa article Parkland (filem), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.