Blabag Indung
Blabag indung (Indonésia papan induk, Inggris motherboard) inggih punika papan utama ingkang wonten komponèn-komponèn komputer saha chip ingkang ginanipun kanggé ngatur lalu lintas data wonten ing sistem papan induk.
Papan punika ugi asring dipunsebut mainboard utawi mobo. Ing papan induk punika wonten socket utawi papan kanggé processor saha slot kanggé masang komponèn kartu kados ta VGA card, Random Access Memory utawi RAM, kertu suara utawi soundcard, Internal Modem lan sanès-sanèsipun .
Ingkang wigati pangginaan jinising prosessor punika paring prabawa kaliyan pamilihan papan induk. Papan induk punika papan kanggée medal lan mlebeting data, ngubungaken sadaya piranti komputer, lan damel kerjasama saéngga komputer saged mlampah kanthi lancar. Kualitasipun papan induk katamtukaken sanget déning chipset ingkang kapasang ing dalem kados SIS, Nvidia force, Intel, VIA, lan sanès-sanèsipun.
Cara kerjanipun papan induk punika wonten ing sistem komputer, peripheral-peripheral kasambung wonten papan induk lan saged nglajengaken pakon kanthi jalur-jalur ingkang wonten ing board. padatanipun papan induk dados distribusi data ingkang mlebet.
Ginanipun blabag indung
- Ngatur piranti menapa kemawon ingkang saged dipunpasang wonten ing komputer.
- Kanggé papan chipset lan program BIOS ingkang ginanipun kanggé ngatur data komponèn komputer sanès.
- Kanggé komunikasi amargi sadaya komunikasi komputer medal papan induk punika.
Miturut pangginaan prosessor, papan induk punika kapérang dados 3 pérangan, inggih punika:
- kanggé Dual Prosessor,
- kanggé Intel Prosessor, lan
- kanggé AMD Prosessor.
Satunggaling papan induk wonten warna-warna komponèn kados ta:
- Socket prosessor
- Chipset
- bus controller
- slot panyimpenan
- slot expansion
- port drive
- BIOS
- ROM
- Power Connector
Pérangan-pérangan papan induk
Salah satunggaling pérangan wigati saking papan induk punika chipset. Chipset ingkang kalebet IC kanthi ukuran alit punika gadhah fungsi inti. Ginanipun chipset punika kanggé ngatur aliran data wonten ing unit komputer. Pérangan sanèsipun punika Integrated Drive Elevctronics utawi IDE. Fungsinipun IDE punika kanggé ngatur lan ngubungaken sadaya piranti kasar ingkang kawaos wonten ing komputer kados ta saluran CDROM, hard disk, lan disk drive sanèsipun. Pérangan salajengipun punika Intregrated Graphic Controller ingkang kalebet chip gegayutan kaliyan grafis.
Cathetan sikil
This article uses material from the Wikipedia Basa Jawa article Blabag indung, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.