Moederbord
'n Moederbord in 'n rekenaar is 'n gedrukte stroombaanbord met elektronika waarop ander stroombaanborde gemonteer kan word.
Vandaar die naam, moeder- of hoofbord. Al die verskillende dele van die rekenaar is aan die moederbord verbind. Dit verseker dat al die komponente as 'n geheel kan saamwerk. In die meeste rekenaars is die moederbord 'n groot groen bord, maar hulle kom in verskillende groottes en kleure voor. Sommige is swart, rooi of geel.
Op die moederbord se oppervlak kan metaalbane gesien word. Elektrisiteit vloei deur die bane tussen die komponente wat op die moederbord gemonteer is. Die moederbord bevat ook kapasitore en resistors wat help om die elektrisiteitsvloei te beheer. Daarnaas kan verskeie proppe gesien word, nie net vir die SVE en geheue nie, maar ook vir randapparatuur, soos die sleutelbord, rekenaarmuis, hardeskywe, ensomeer.
Oor die jare is meer en meer funksionaliteit op moederborde aangebring. In 1989 bevat die moederbord hoofsaaklik 'n aansluiting vir die sentrale verwerkingseenheid (SVE) en geheue. Die oorblywende funksionaliteit is deur uitbreidingskaarte voorsien. Teen 2014 is klankkaarte, netwerkkaarte en selfs videokaarte op die moederbord self aangebring. Dit het meegebring dat rekenaars al hoe goedkoper en kleiner geword het.
Verwysings
Eksterne skakels
- Wiki Afrikaans
Wiki Commons het meer media in die kategorie Moederbord.
This article uses material from the Wikipedia Afrikaans article Moederbord, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.