Masèhi
]
Tanggalan Masèhi utawa Anno Domini (AD) ing basa Inggris ya iku jeneng kanggo tanggalan utawa panomeran taun sing digunakaké ing tanggalan Julius lan Grégoriyus. Kala ing tanggalan iki adhédhasar saka taun tradhisional sing kaitung wiwit lairé Yésus saka Nasarèt. Masehi diitung wiwit dina kuwi, dene kala sadurungé diarani Sadurungé Masehi utawa SM. Pitungan tanggal lan sasi ing tanggalan Julius dibesut ing taun 1582 dadi tanggalan Grégorian . Tanggalan iki banjur akeh digunakaké ing donya kanggo nggampangaké komunikasi.
Tembung Masèhi (disingkat M) lan Sadurungé Masehi (disingkat SM) asalé saka basa Arab ( المسيح ), tegesé "wong sing ngumbah," "nggosok" utawa "ngusap-usap." (deleng uga Al-Masih). Tembung iki ing pertalan Alkitab basa Arab digunakake kanggo tembung Ibrani "Mesiah" utawa " Mesias" sing tegesé "Yang Diurapi" utawa " Gusti " ing agama Abraham .
Ing basa Latin tanggalan iki diarani " Anno Domini " (dicekak AD sing tegesé"Taun Gusti") sing akeh digunakaké ing donya. Ing basa Inggris modhèren, awujud tembung Common Era sing dicekak "CE" (kanthi harfiah tegesé, "Kala Umum"), nalika kala sadurungé taun 1 diarani "Before Christ", dicekak BC (tegesé sadurungé lairé Yésus ) utawa sadurunge Before Common Era, sing dicekak "BCE" (Sadurungé Kala Umum).
This article uses material from the Wikipedia Basa Jawa article Masèhi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.