Blekok sawah (Ardeola speciosa) inggih punika jinis manuk saking famili Ardeidae.
Blekok sawah | |
---|---|
Blekok Sawah | |
Klasifikasi ngèlmiah | |
Karajan: | Animalia |
Filum: | Chordata |
Klas: | Aves |
Ordho: | Pelecaniformes |
Famili: | Ardeidae |
Génus: | Ardeola |
Spésies: | A. speciosa |
Jeneng binomial | |
Ardeola speciosa Horsfield, 1821 |
Mangsa ingkang utami inggih punika iwak, yuyu. Manuk iki wus sumebar ing Asia Tenggara.
Blekok sawah gadhah awak ingkang ukuranipun alit antawis 45 cm. Manawi sampun saged tumangkar, sirah, dhadha kuning tuwa. Gegeripun cemeng. Awak pérangan nginggil sanèsipun coklat coret-coret. Awak pérangan ngandhap pethak. Nalika miber sayapipun katingal kontras sanget kaliyan gigiripun ingkang cemeng. Nalika taksih eném, coklat coret-coret. Iris kuning, cucuk kuning, pucuk cucuk cemeng, sukunipun semu ijo. Gesangipun piyambakan utawi wonten ingkang kelompok ingkang kasebar. Nalika jumeneng kanthi posisi andhap, sirahipun dipuntarik, nunggu mangsanipun. Saben sonten miber tumuju ing papan dunungipun. Sarangipun wonten ing kelompok kaliyan manuk sanèsipun. Sarangipun saking pang wit-witan.
Cacaihpun tigan blekok antawis 2-3 butir, awerni biru-kehijauan. Mangsa kawin manuk punika nalika wulan Dhésèmber dumugi Mèi ing Jawa Timur, déné ing Jawa Barat nalika wulan antawis Januari dumugi Agustus.
Éwadéné manuk punika asring kapanggih saha kanthi cacahé ingkang kathah, nanging boten nutup kamungkinan bilih jinis punika badhé tinemu cures. Panyebabipun saged amargi jalaran ingkang langsung punapa déné boten langsung. Wontenipun perburuan alasan ingkang boten ngetang wekdal, cacah, saha papan, tamtu kémawon badhé dados ancaman ingkang ageng.Panyebab sanèsipun kados ta bahan-bahan kimia wonten ing sawah-sawah. Migunakaken pestisida umpaminipun, saged paring dampak ingkang awon kanthi boten langsung dhumateng reproduksi manuk mliginipun blekok sawah.
Babagan punika tamtu boten luput saking manéka jinis manuk ingkang sapunika sampun kirang cacahipun, déné wonten ingkang meh cures, saéngga sampun rekaos anggénipu manggihaken wojten ing alam punika. Pesthi wonten ugi kedah nindakaken program saperlu nglindhungi habita manuk, mliginipun kedah njagi lingkungan, saéngga saged nylametaken saha nglestantunaken manéka jinis manuk, mliginipun ingkang wonten ing sawah, kados ta manuk blekok punika.
This article uses material from the Wikipedia Basa Jawa article Blekok sawah, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.