Aksara Vaṭṭeḻuttu
Aksara Vaṭṭeḻuttu, utawa diucapaké Vattezhutthu (tegesé aksara mlungker, cara Tamil: வட்டெழுத்து vaṭṭeḻuttu; cara Malayalam: വട്ടെഴുത്ത് vaṭṭeḻuttŭ) ya iku aksara abugida sing asalé saka wong Tamil kuna ing India Kidul.
Aksara iki tinurun saka aksara Tamil-Brahmi lan minangka salah siji saka telung aksara sing diréka wong Tamil kanggo nulisaké basa Proto-Tamil. Aksara liyané ya iku aksara Grantha kuna utawa aksara Pallawa lan aksara Tamil. Aksara silabis (aksara sing dumadi saka wanda) iki temon buktiné ana kawit abad angka 6 M nganti abad angka 14 ing wewengkon sing saiki dadi praja Tamil Nadu lan Kerala ing India. Aksara iki sabanjuré kagantèni déning aksara Tamil lan aksara Malayalam modhèren. Aksara Vaṭṭeḻuttu dhéwé ngantèkaké aksara Tamil-Brahmi kanggo nulisaké basa Tamil sabubaré abad angka 2 M. Rupané aksara iki sing mlungker uga dianggo ing wewengkon Kerala kanggo nulisaké basa Tamil saha basa Proto-Malayalam lan basa Malayalam. Tekan sepréné, basa Malayalam ditulis nganggo aksara Malayalam. Padunung Kuccaveli, sing papané ana ing bang lor Trincomalee, nganggo aksara Vaṭṭeḻuttu kawit antara angka 5 lan angka 8. Temoné ing kana wujud prasasti watu.
| Vaṭṭeḻuttu | |
|---|---|
_plates_1_and_4.jpg) Prasasti Tembaga Tharisapalli aksara Vaṭṭeḻuttu. | |
| Jinis | |
| Basa | Tamil Malayalam |
Kala | 700-an M – saiki |
Aksara babon | Proto-Sinai
|
Aksara turunan | Saurashtra |
Aksara sadulur | Malayalam, Grantha |
Rujukan
Bibliografi
This article uses material from the Wikipedia Basa Jawa article Aksara Vaṭṭeḻuttu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.