ಪಡಿ
ಬೇಲಿದ ನಡುಟ್ಟೆ ಜನಕುಲು ಪೋಯೆರೆ ಬರಿಯೆರೆ ಬೋಡಾದ್ ದೀಪುನ ಕಡಪ್ಪು ಸಾದಿಗ್ ಪಡಿ ಪಂದ್ ಲೆಪ್ಪುವೆರ್.
ಪಡಿನ್ ಎರ್ಲು ಪೋಪುನಲ್ಪಲಾ ಕಟ್ಟುವೆರ್. ನರಮಾನಿ ಪೋಪುನಾಡೆಗ್ ತಡಮೆ, ಉರುವೆಲು, ಪಡಿ, ಗೂಂಟೊಲಾ ಕಟ್ಟುವೆರ್.
ಪದೊ ಅರ್ತೊ
ಪಡಿ ಪನ್ಪಿ ಪದೊ ಪಡಿ ಅರಿ, ಪಡಿಬಾಕಿಲ್ ಪದೊಕುಲೆನೊಟ್ಟುಗು ಸೇರೊಂದುಂಡು ಬೇತೆ ಬೇತೆ ಅರ್ಥೊನು ಕೊರುಪುಂಡು.
ಕೆಯಿ ಹಾಕುನ/ನೊಪುನ ಪಡಿ
ಕೆಯಿ ಹಾಕುನ/ನೊಪುನ ಪಡಿ (ಬಾರ್ದ ಪಡಿ) ಕೊಯಿಲ್‍ದ ಕೆಯಿನ್ ಹಾಕ್ಯರೆ ಮಂಚೊದ, ಬೇಂಚಿದ ಮೇಲ್‌ಡೆ ದೀಡುನವೆ ಬಾರ್ದ ಪಡಿ. ಉಂದು ಪಡಿತ ಅಡಿತ ಬೆಂಚಿ, ಮಂಚೊದ ಉದ್ದೊಗು ಸಮೊ ಇಪ್ಪುಂಡು. ಬಾರ್ದ ಪಡಿನ್ ಬಾರಿ ಜಾಗರ್ತೆಡ್ ದೀಡೊನುವೆರ್. ಅಟ್ಟೊಡು ಪುಗೆ ಪತ್ತುನಲ್ಪ ಇತ್ತ್ಂಡ ಒರಿಯನ ತರೆ ಸಂದುನೆಟ ಈ ಪಡಿ ಬಾಳಿಕೆ ಬರ್ಪುಂಡುಂದು ಪನ್ಪೆರ್. ಪಡಿನ್ ಮರತ್ತಲಾ ಮಲ್ಪುವೆರ್ ಅವು ನಾಲ್ ಕಾರ್ ಅಯಿಕ್ಕ್ ರೀಪು ಅತ್ತ್ಂಡ ತಲಕ್ಕೆನ್ ಪೆರೆಸ್‍ದ್ ಇಡೆ ಬುಡುದು ಹಾಕ್‍ದ್ ಪಡಿ ಮಲ್ಪ್ ವೆರ್.
ಈ ಲೇಕನೊಗ್ ಒವೆ ವೆಬ್ಸೈಟ್, ಅತ್ಂಡ ಮಾಹಿತಿದ ಒವ್ವೇ ಮೂಲ ಇಜ್ಜಿ, ಇತ್ಂಡ ಸೇರಾವೊಲಿ. |
ಬೇಲಿದ ಪಡಿ
ಬಾರ್ದ ಪಡಿದಂಚನೆ ಆಂಡ ಎಲ್ಯೆ. ಇಂದೆನ್ ಕಿದೆತ ಬಾಕಿಲ್ಗ್, ಕೊಟ್ಯದ ಬಾಕಿಲ್ಗ್ ಇಂಚ ಕಟ್ಟೊಂದಿತ್ತೆರ್.
ಮುಳ್ಳಪಡಿ
ಇಂದೆನ್ ಮುಳ್ಳಪಡಿಂದ್ ಪನ್ಪುನೆ. ರಡ್ಡ್ ಸಮಾನಾಂತರ ಉದ್ದೊದ ಬಡಿಗೆ ಅತ್ತಂಡ ತಲಕೆನ್ ಕತ್ತೆರಿ ಪಾಡ್ದ್ ಅಯಿತ್ತ ನಡೂಕು ಬಲ್ಲ್‌ಡ್ ಕಟ್ಟುವೆರ್. ಅಯಿತ್ತ ಮೇಲ್‌ಗ್ ಮುಳ್ಳು ಕಟ್ಟ್‌ದ್ ಎರ್ಲೆನ್ ಕಡಪ್ಪುವುನಲ್ಪ ಗೂಂಟೊ ಪಾಡ್ದ್ ಅಯಿಕ್ ಕಟ್ಟುವೆರ್. ಎರ್ಲು ಪೋನಗ ಬನ್ನಗ ಮುಳ್ಳಪಡಿನ್ ದೆಪ್ಪುವೆರ್. ದೂರೊಡ್ದು ತೂನಗ ಅಲ್ಪ ಪಡಿ ಉಂಡುಂದು ತೋಜಂದಿ ಲೆಕೊ ಆಯರ ಮುಳ್ಳಪಡಿ ಉಪಯೋಗ ಆಪುಂಡು.
ಪಡಿತ ರಚನೆ
- ಪಡಿನ್ ಮಾದೆರ್‌ದ ಬಲ್ಲ್‌ಡ್ ಮೊಡೆದ ತಯಾರ್ ಮಲ್ಪುವೆರ್. ಕಂಗ್ದ ತಲಕೆ ಅತ್ತಂಡ ಮರತ್ತ ಬಡಿಗ್ಗೆನ್ ಗೀಸ್‌ದ್ ಅಯಿಕ್ಕ್ ಮಾದೆರ್‌ದ ಬಲ್ಲ್‌ನ್ ಪಿಂಟಾದ್ ಮೊಡೆಪೆರ್.
- ಬಾರ್‌ತ ಪಡಿಕ್ಕ್ ಕಂಗ್ದ ತಲಕೆನೇ ಉಪಯೋಗೊ ಮಾಲ್ಪುವೆರ್.
ವಿವರ
ಉಲ್ಲೇಕೊ
This article uses material from the Wikipedia ತುಳು article ಪಡಿ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.