Sonia Shirsat (सोनिया शिरसाट, z.
Romi |
1980, Ponda) ek Bharotantli Fado gavpi. Ti Gõychi, jem 1961 vorsa meren ek Purtugez vosahot asli ani atam Bharotachem ek rajio zavn asa. Tika "Jogantli Gõychea songitachi Rajdut". mhonn pachartat ani tinnem sonvsar bhor, Bharotant ani chodd korun Gõyantlea sonskrutik ani songitachea suvalleamni kariokrom keleat. Ti 13 vegllea bhasamni gaita
Survatek, Shirsat kaideant ek veakhean divpi asli. Goeantlea vortomonpotrache niall hannim nond kelam ki tinnem "ulovpache kosbent, ti vevsaik gavpi zavche poilim ek ontoraxttrio tosrip pottkailam,". Tinnem LL.M (Master's in Law) podvi melloilea. Ti Ti chhond koxi gavpak lagli ani ti ek vevsaik gavpi 1999 vorsa pasun asa. Tichi avoi Romi Katolk ani ticho bapui, Hindu.
Shirsat, Bharoteam thoddea modem, ekuch nhoi zalear, Fado-nt utkruxtt, ek songitachi tora zacho sod Purtugalant 1820 vo adim sumarak asa; ektti zavn asa. Tika thoddim vorsam fattim Goeant gitar xikoitalo, tea Purtugez gitarist Antonio Chainho haka xroi dita. Kariaxalla zalea uprant, to Fado gavpachea sodant aslo. Shirsat-icho tallo "hea kantarak poripurnnant boslo", ani hea vorvim “ticho sumell hea torant” zalo, oxem ti sangta. Panch vorsam modekat, tinnem apli poili ekoddi kariavoll 2008 vorsa Purtugalant keli.
2016 meren, tinnem Goem, Damanv, Bangalore, Mumboi, Delhi, Kolkata, Luxembourg, Macau, Kuwait, France, Singapore, Hawaii, Nepal, Canada, London, Dubai, Muscat, Lisboa ani Qatar hanga kariakrom keleat. Tinnem California, Toronto, Paris, Porto, Oeiras ani Seoul hangai kariavolli keleat.
Shirsat hinnem nanvvostea jogantlea Fado gavpeam sangata dakhovnneo keleat, zantunt Katia Guerreiro, Maria Ana Bobone, Raquel Tavares, Rao Kyao, Carlos do Carmo, Argentina Santos, Miguel Capucho, Ricardo Rocha ani Mestro Antonio Chainho hancho somavex asa. Tinnem sabar favtti zaiteach Purtugalant aslolea TV vahinicher kariavolli keleat, zantunt jivea dakhovnneacho somavex asa ani hem RTPI, Sociedade Independente de Comunicação andi Televisão Independente hantunt zavnk pavlam.
Gõyant, tika sabar kodden jivea kariavollim khatir vollkhotat zantuntCalangute-chea Art Chamber hacho somavex asat .
Shirsat hi ekuch vevsaik Fadista (Fado gavpi) Bharoti Upkhonddant asa, ek tora tinnem 2003 vorsa savn apnnailea. Ti kariaxallo hatalltta ani nim-xastrio torachea songit Fado hacher ulovpam korta. Purtugez Fado xivai, Shirsat-ak Paromporik ani Pop songit Goeant gavpi mhonn vollkhotat.
Shirsat hinnem 2016 Abrilant: Boreantli Gavpi (Ostori) Tosrip Tiatr Academy of Goa koddlean melloilam.
Tika Ustad Bismilla Khan Yuva Puroskar, 2016, Paromporik Songit hea vorgonnant mell’lla zo Sangeet Natak Akademi, Bharotachea Sorkarachea Sonskrut Montrailoen bhettoila. Yuva Srujan Puroskar 2011, Goenchea Sorkaran Tornnatteanchea vorgonnant soglleant vhodd tosrip sonskrutaie vibhagant tika divpant aila.
The Hindu vortomanpotran tiche vixim oxem mhollam: "Sonia ek chomotkari gavpi jika ek bhovgunni tallo asa. Boreantli bori Bharotantli Fadista sogllea kallant asun, hea fixalkaiechea gavpean jog bhor bhonvddi marlea."
This article uses material from the Wikipedia गोंयची कोंकणी / Gõychi Konknni article Sonia Shirsat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.