Jezuchea Povitr Kallza Magnnem
Sacred Heart of Jesus - Prayer
Romi |
FOLLADIK NOVEN JEZUCHEA POVITRA KALLZAK:
Bhov mogalla Jezu ani mojea Dhonia Tuvem sanglaim ' Magat ani ghexeat, sodat ani tumkam mellot, darar marat ani tem tumkam ugttem zait'.
Dhiravun tor, eka jivea bhavartan ani eka thir borvanxean tujeam bhasanvnneancher, jeo nipzoleat tujea bhov Povitra Kallzantleo ani sangun dileai tujeam nomoskaream vontanim, sorpottun khalteponnan tujeam paiam lagim, mogalla Dhonia, ailam magunk kor mhunn mojer ho upkar ... ( mag hanga tuka kitem zai tem)
Tujea bhair konna lagim hanv magum vhodde goddvaiechea Jezu, vortovtaai astana tum ek soronasleli zhor soglleam kurpanchi ani puneanchi? Khoim sodunk vochuum mojea Dhonia, nhoi zavn tuje kallzachea thoveant zantun attapleat tuje kakuticheo ani bolleponnancho sogleo girestkaio. Konnacher darar hanv maruum, nhoi zaun tujea bhov Povitra Kallzachea darar, zantlean toch Dev amche sori eta ani zantlean ami Tache sorim vetanv.
Tor tuka mojea Jezuchea Kallza, hanv ulo martam...
Tuje thaim maka mellta buzvonn khontinim, adar dhumalleanim, boll bharadik khorgannim ani uzvadd dubavamnim ani kallokamnim. Khoreponnim sotmand'tam ki Tujean korum - eta mhunn maka ho upkar zo hanv magtam zorui tor hea pasun korchi poddot ek milagr.
Tuka zaich zalear puro mojea Deva hanv magtam tem maka mellunk. Bore bhaxen zannam hanv, mojea Jezu, maka favo nant mhunn tuje upkar mojeam khotteponnanl lagun, punn hem vortovnam karann hanvem axea soddunk. Tum vortovtai Dev kakutsar ani pois ghalcho nam eka dukik ani unneponnak sampoddlelea kallzak.
Ghal Saiba, mojer ek kakutichi nodor, magtam tuje lagim ani tujea kakutivont Kallzak mellot mojeanch khonixttaianim ani osoktaianim goroz tem nimit bhair ghalinam zaunk mojem prarton.
Punn, eh bhov Povitra Kallza, kosloi zanv tuzo nivadd hea mojea magnnea sorim, hanv tuka man ani onod dinvcho, magnnim ani chakri korcho kednanch soddcho nam.
Ghe Saiba, kakutin hi moji sompurn khalteponnachi korni tujea nomoskarea Kallzacheam formonnak, jim hanv kallzanthan otrektam polleunk pall'lelim hanvench moje sorim ani sogleam rochnnanim sasnanchea sasnnank. Oxem zanv.
Amen
Polleiat
This article uses material from the Wikipedia गोंयची कोंकणी / Gõychi Konknni article Jezuchea Povitr Kallza Magnnem, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.