Manne Siegbahn: Sueko a pisiko
Ni Karl Manne Georg Siegbahn (3 Disiembre 1886 – 26 Septiembre 1978) ket Sueko a pisiko a nagungunaan ti Premio Nobel iti Pisika indi 1924 para kadagiti pannakaduktalna ken panagsukisok iti pagobraan iti espektroskopia ti Rayo-ekis.
| Manne Siegbahn | |
|---|---|
 Ni Karl Manne Siegbahn idi 1924 | |
| Nayanak | Karl Manne Georg Siegbahn 3 Disiembre 1886 Örebro, Suesia |
| Natay | 26 Septiembre 1978 (tawen 91) Estokolmo, Suesia |
| Pakipagilian | Sueko |
| Alma mater | Unibersidad ti Lund |
| Nakaam-ammuan | Espektroskopia ti Rayo-ekis |
| Dagiti gungguna | Premio Nobel iti Pisika (1924) Medalia Hughes (1934) Medalia Rumford (1940) Medalia ken Premio Duddell (1948) |
| Sientipiko a pagsapulan | |
| Dagiti pagobraan | Pisika |
| Dagiti patakder | Unibersidad ti Lund Unibersidad ti Uppsala Unibersidad ti Estokolmo |
| Dagiti nota | |
Isu ket ama ni Nobel laureado Kai Siegbahn. | |
Naipasngay ni Siegbahn idiay Örebro, Suesia. Isu ket nakagun-od iti Ph.D. idiay Unibersidad ti Lund idi 1911, ti tesisna a natituluan iti Magnetische Feldmessungen (dagiti panagrukod ti magnetiko a lugar). Isu ket nagtignay a propesor para ken ni Johannes Rydberg idi napaay iti salun-atna, ken sinarunona a kas napno a propesor idi 1920.
Kalpasan ti pannakagun-odna iti Ph.D., isu ket nangrugi a nagsukisok iti espektroskopia ti rayo-ekis. Daytoy nga obra ket nagtultuloy idi immalis idiay Unibersidad ti Uppsala idi 1923. Isu ket nagpadur-as ti eksparimental nga aparato a nangpalubos kaniana nga agaramid iti napudno a panagrukod kadagiti kaatiddog ti allon ti rayo-ekisa pinataud babaen dagiti atomo dagiti nadumaduma nga elemento. Isu ket nagpadur-as iti taripnong iti pananginagan kadagiti nadumaduma nga espektral a linia a pakaidumadumaan dagiti elemento iti espektroskopia ti rayo-ekis, ti notasion ni Siegbahn. Dagiti apag-isu a panagrukod ni Siegbahn ket nangiyunaan dagiti adu a panagpadur-as iti kuantum a teoria ken atomiko a pisika.
Idi 1937, naidutok ni Siegbahn a kas Direktor ti Departamento ti Pisika ti Instituto ti Nobel iti Naarian nga Akademia dagiti Siensia ti Suesia. Idi 1988 daytoy ket nabaliwan iti nagan iti Instituto Manne Siegbahn (MSI). Dagiti panagsusisokn a grupo ti instituto ket naurnos manen manipud idin, ngem ti nagan ket agtultuloy pay laeng iti Laboratorio Manne Siegbahn a sangsangailien babaen ti Unibersidad ti Estokolmo.
Inasawa ni Siegbahn ket ni Karin Högbom idi 1914. Adda dua nga annakda: ni Bo Siegbahn (1915–2008), diplomata ken politiko, ken ni Kai Siegbahn (1918–2007), pisiko, a nagunggunaan met iti Premio Nobel iti Pisika idi 1981, para iti kontribusionna iti panagdur-as ti potoelektron nga espektroskopia ti rayo-ekis. Pimmusay ti asawana idi 1972.
Isu ket nangabak iti Medalia Hughes idi 1934 ken Medalia Rumford idi 1940. Idi 1944, isu ket nagpatente iti bomba ni Siegbahn.
Dagiti nagibasaran
This article uses material from the Wikipedia Ilokano article Manne Siegbahn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.