Ti Jeddah (nailetra pay a kas Jedda, Jiddah wenno Jidda (Arabiko: جِدَّة, romanisado: Jidda, panangibalikas a Hejazi: ), ket ti maysa a siudad iti rehion ti Hejaz ti Saudi Arabia ken ti sentro ti komersio ti pagilian.
Daytoy ket addaan iti agarup a populasion iti 4,697,000 a tattao manipud idi 2021, ti Jeddah ket ti kadakkelan a siudad iti Probinsia ti Makkah, ti kadakkelan a siudad iti Hejaz, ti maikadua a kadakkelan a siudad iti Saudi Arabia (kalpasan ti kapitolio ti Riyadh), ken ti maikawalo a kadakkelan iti Tengnga a Daya. Ti Islamiko a Puerto ti Jeddah, a mabirukan iti Baybay Nalabbasit, ket ti maikatallopulo ket innem a kadakkelan a puerto ti baybay iti lubong ken ti maikadua a kadakkelan ken ti maikadua a maitarigagay a puerto ti baybay iti Tengnga a Daya (kalpasan ti Puerto ti Jebel Ali ti Dubai).
Jeddah | |
---|---|
Nagsasabtan: | |
Pagilian | Saudi Arabia |
Gobierno | |
• Daulo | Saleh Al-Turki |
Kalawa | |
• Dagup | 5,460.00 km2 (2,108.12 sq mi) |
Kangato | 12 m (39 ft) |
Populasion (2021) | |
• Dagup | 4,697,000 |
• Densidad | 860/km2 (2,200/sq mi) |
Sona ti oras | UTC+03:00 |
Kodigo ti koreo | 21000 |
Kodigo ti lugar | 12 |
Website | www |
Ti Jeddah ket ti kangrunaan a sumrekan iti Meka, ti kasantuan a siudad ti Islam, a mabirukan iti agarup a 65 kilometro (40 mi) iti daya, bayat a ti Medina, ti maikadua a kasantuan a siudad, iket mabirukan iti 360 kilometro (220 mi) iti amianan.
Iti ekonomia, mangipatengnga ti isip ti Jeddah iti pannagipasayaat ti panagparang-ay iti panangipangulo iti pundo ti sientipiko ken inhenniera iti kaunegan ti Saudi Arabia, ken iti Tengnga a Daya. Ti Jeddah ket nawaya idi a nairangga a kas maikapat iti Aprika – ti rehion ti Tengnga a Daya kadagiti termino ti inobasion idi 2009 iti Innovation Cities Index.
Ti Jeddah ket maysa kadagiti pagliwliwaan a siudad iti Saudi Arabia ken nanaganan idi a kas maysa a Beta world city babaen ti Globalization and World Cities Study Group and Network (GaWC). Gau ti kaasideg ti siudad iti Baybay Nalabbasit, ti panagkalap ken dagiti masida manipud iti baybay ket isu ti kaaduan iti kultura iti makmakan no maiyasping kadagiti sabali a parte ti pagilian. Iti Arabiko, ti pagsasao ti siudad ket "Jeddah Ghair", a maipatarus iti "Sabali ti Jeddah". Ti pagsasao ket adun nga inus-usar dagiti lokal ken gangganaet nga agbisbisita. Adu a naipampanunotan ti siudad kas kaliberaduan a siudad iti Saudi Arabia ken popular a papanan dagiti turista iti rehion.
Dagiti midia a mainaig iti Jeddah iti Wiki Commons
Pakaammo ti panagbiahe idiay Jeddah manipud iti Wikivoyage (iti Ingles)
This article uses material from the Wikipedia Ilokano article Jeddah, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.