Baybay Bering: Marginal a baybay iti Taaw Pasipiko

Ti Baybay Bering ket ti pingir a baybay iti Taaw Pasipiko. Daytoy ket buklen ti labneng ti adalem, ken ngumantonto babaen ti akikid a bangkirig iti ab-ababaw a danum iti ngato dagiti kontinental a samang.

Ti Baybay Bering ket naisina manipud iti Golpo ti Alaska babaen ti Peninsula Alaska. Daytoy ket sakupenna ti sumurok a 2,000,000 kuadrado kilometro (770,000 sq mi) a bineddengan it idaya ken amianan a laud babaen ti Alaska, itilaud babaen ti Adayo a Daya ti Rusia ken ti Peninsula Kamchatka, iti abagatan babaen ti Peninsula Alaska ken ti Is-isla Aleutiana ken iti adayo nga amianan babaen ti Lingsat Bering, a mnagikapet daytoy iti Baybay Bering iti Baybay Chukchi ti Taaw Artiko. Ti Luek Bristol ket ti paset ti Baybay Bering a mangsina ti Peninsula Alaska manipud iti nagruna a daga ti Alaska. Ti Baybay Bering ket nainaganan kenni Vitus Bering, ti Danes a nabigador iti serbisio ti Rusia, nga idi 1728 ket isu ti immuna a Europeano a sistematiko a nagsukisok iti daytoy, naglayag manipud idiay Taaw pasipiko a nagpa-amianan idiay Taaw Artiko.

Ti ekosistema ti Baybay Bering ket mairaman ti pagturayan ti Estados Unidos ken Rusia, ken dagiti pay sangalubongan a dandanum iti tengnga ti baybay (ammo a kas ti "Abot ti Donut").