West African Cfa Franc: Ego nke ọtụtụ mba West Afrika

Mba asatọ a nwere ngụkọta nke nde mmadụ 105.7 na afo 2014, na ngụkọta GDP nke US $ 128.6 ijeri (dịka Mgbe afo 2018).

Mmalite CFA na-anọchite anya Communauté Financière Africaine ("African Financial Community"). Ọ bụ Central Bank nke ndi West Afrikan States (BCEAO; Banque Centrale des États de l'Afrique de l'Ouest), nke dị na Dakar, Senegal, na-enye ego ahụ maka ndị otu UEMOA. A na-ekewa franc ahụ n'ime 100 cents mana ọ nweghị mkpụrụ ego ma maọbụ akwụkwọ ego a na-akpọ na cents. A na-emepụtakeazi akwụkwọ CFA franc na mkpụrụ ego na Chamalières site na Bank of France kemgbe e guzobere ya na afo otu puku nari itoolu iri ano Na ise (1945).

Franki CFA nke Central Afrika nwere uru hà nhata na franc CFA nke West Afrika, ma na-ekesa ya n'ọtụtụ steeti etiti Afrika. A na-akpọkarị ha abụọ CFA franc.

N'ọnwa Disemba nke afọ 2019, a mara ọkwa na a ga-agbanwe franc CFA nke West Afrika, nke ga-agụnye ịgbanwe aha ya na ibelata ọrụ France na ego ahụ. Obodo akụ na ụba nke West African States (ECOWAS), nke ndị otu UEMOA bụkwa ndị otu ya, na-eme atụmatụ iwebata ego nke ya maka mba ndị otu ya site na afo 2027, nke ha nabatakwara aha eco maka ya.