Bibita

Le bibita le plus fundamental es aqua. Historicamente, le raritate de aqua potabile ha favorisate le consumption de altere bibitas, como the, bira e vino. Ora in multe paises, aqua potabile es accessibile, e on pote mesmo emer aqua mineral, aqua de fonte imbottiliate, aqua gasose, aqua aromatisate, etc.

Babies bibe naturalmente le lacte de lor matres o nutrices. In multe partes del mundo, il es traditional biber le lacte de vaccas o (minus communmente) de capras, yaks o altere animales. In altere areas, adultos deveni normalmente intolerante al lactose, e le consumption de lacte es dunque abandonate post le juventute. Il es popular biber yogurt aquose, con o sin sapores additional, in India (lassi), Turchia (ayran). Altere biberages derivate del lacte include kefir, lacte de butyro e sero.

Le succos de multe species de fructas son bibite: succos de orange, mango, pomo, tomate, pompelmus, ananas, uva, etc.

Depois le seculo 20, emerge un grande industria a fabrication commercial de bibitas carbonisate. Coca-Cola es le plus popular de istos.

Bibitas calide son multo popular. Illos include caffe, the, tisanas, chocolate, boza, sahlep e alteres.

Le production de bibituras alcoholic ha un longe historia. On fabrica communmente bira, vino, sake, cidra e multe varietates de liquores con alte nivellos de alcohol (como absinthio, brandy, cachaça, cognac, eau-de-vie, gin, grappa, mezcal, rakia, rum, schnaps, tequila, vodka, whisky, etc.). In le passato, hydromel esseva commun in multe paises. In paises polynesian como Tonga, on bibe sovente kava, un biberage sin alcohol ma cuje possibile effectos son similabile al ebrietate.

•  
  Un baby human lacta al tetta de su matre
•  
  Un cuppa de caffe turc, un bibita calide
•  
  Sima (hydromel finlandese, un bibita alcoholic) con tippaleipä (un typo finlandese de torta frite)
•  
  Oranges e succo de orange
•  
  Bibita de fructo

• Appendice:Galeria de imagines de bibitas