Ashkenazi o aschenasita (note etiam como: judeo germanic, in hebreo: אשכנזי ashkenazi al singular, e אשכנזים ashkenazím al plural, ex: אשכנז Ashkenaz, Germania o plus generalmente Europa centroriental) es un termino que, frequentemente usate in contrasto a sephardi e mizrahi, se refere al cultura e traditiones del communitates judee descendente del judeos de Europa central e oriental, typicamente de tradition e/o lingua yiddish.
Plus de 10 milliones de judeos hodie son ashkenazi , un numero que representa le grande majoritate del population judee mundial, que es circa 15 milliones de personas in total.
In certe casos il ha un differentia inter le formas ashkenazi e sephardi de un ritual. Per exemplo, post le leger public del portion del septimana del Torah in le synagoga cata sabbato, un portion additional del Biblia (seligite de un libro foras del Torah) es alsi legite publicamente; multe septimanas judeos ashkenazi e sephardi lege le mesme portion additional ma alcun septimanas in le calendario hebree le ashkenazis e sephardis ha portiones additional differente.
Un altere exemplo es que in le tradition ashkenazi, le lista de alimentos prohibite pro le duration de pascha, le festa del azymos, include cosas como fabas e ris que son permitite al sephardis.
Iste differentias nonobstante, il non ha differentias de theologia inter le formas ashkenazi e sephardi de judaismo e cata communitate pensa que le forma de observantia del altere es legitime. In le tradition judee, in general un judeo que observa le formas de observantia de su region e move a un region ubi le judeos usa un forma differente debe adoptar le forma del judeos de su nove region.
This article uses material from the Wikipedia Interlingua article Ashkenazi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.