Պոպ Տոլ: Ամերիկացի քաղաքական գործիչ։
Պոպ Տոլ (Ռոպըրթ Ժոզէֆ Տոլ, 22 Յուլիս 1923(1923-07-22), Russell, Կանզաս, Ամերիկայի Միացեալ Նահանգներ - 5 Դեկտեմբեր 2021(2021-12-05), Ուաշինկթըն, Ամերիկայի Միացեալ Նահանգներ), ամերիկացի քաղաքական գործիչ, Երկրորդ համաշխարհային պատերազմի վեթերան, ԱՄՆ նախկին հանրապետական ծերակուտական եւ 1996 թուականի ԱՄՆ նախագահի թեկնածու:
Կենսագրական գիծեր եւ գործունէութիւն
Տոլ երկրորդ համաշխարհային պատերազմի մասնակից էր, որուն ընթացքին ան ծանր վիրաւորում ստացած էր, որու հետեւանքով ընդմիշտ անդամալոյծ եղած էր անոր աջ ձեռքը, ռազմական բժիշկները հեռացուցած էին անոր երիկամներէն մէկը։ Ստացուած վնասուածքները, սակայն, Տոլը չէին խանգարած ներգրաւուելու գործուն քաղաքականութեան մէջ։
Տոլը 27 տարի՝ 1969-1996 թուականներին, ԱՄՆ Ծերակոյտին մէջ ներկայացուցած է Քանսաս նահանգը, իսկ մինչ այդ ութ տարի եղած է Ներկայացուցիչներու պալատի անդամ։
1996-ի նախագահական ընտրութիւններուն ան եղած է հանրապետականներու թեկնածուն, սակայն պարտուած է ժողովրդավարական Պիլ Քլինթընին, որ վերընտրուեցաւ երկրորդ ժամկէտով։
1989-ի սկիզբը՝ Սպիտակի երկրաշարժէն շաբաթներ անց, Տոլ այցելած է Հայաստան՝ ամերիկեան մարդասիրական օգնութեան հերթական չափաբաժինը տրամադրելով աղէտէն տուժածներուն։
Պոպ Տոլ իր ամբողջ ասպարէզին ընթացքին եղած է ԱՄՆ-ի մէջ հայերու շահերը քարոզող ամերիկացի ամենաաշխուժ պետական գործիչներէն մէկը։ Երկար տարիներ ան Հայոց Ցեղասպանութեան ճանաչման օրինագիծեր յառաջ մղած է:
2019-ին Հայաստանի նախագահ Արմէն Սարգսեան հրամանագիր ստորագրած է ԱՄՆ Հանրապետական կուսակցութեան նախկին ծերակուտական, հայկական շահերու յայտնի ջատագով եւ լոպպիսթ Ռոպըրթ (Պոպ) Տոլին հանրապետութեան պետական մրցանակ շնորհելու մասին։
Ծանօթագրութիւններ
This article uses material from the Wikipedia Արեւմտահայերէն article Պոպ Տոլ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.