Պաղտասար Աղբար
Պաղտասար Աղբար, ժողովրդային կատակերգութիւն։
Պաղտասար Աղբարը մեծ հայ երգիծաբան Յակոբ Պարոնեանի ամենածանօթ եւ ամենաժողովրդական թատերական գործն է։
Պաղտասար աղբար՝ բարի, դիւրահաւատ եւ պատուախնդիր մարդ մըն է, որուն կինը սիրականն է հէգ Պաղտասար աղբօր կարծեցեալ բարեկամին՝ Կիպարին։ Պաղտասար գրեթէ արարքի վրայ կը բռնէ կինը ու կը դիմէ փաստաբան Օգսէնին, որ իր դատը կը խոստանայ պաշտպանել փոխան մեծ գումարի մը։ Սակայն դատական խորհուրդը զինք մեղաւոր կը գտնէ, եւ միանալով իր կնոջ, Կիպարի եւ դրացի կիներուն, կը սպառնայ Պաղտասար աղբարը խենթ հռչակել եթէ ան իր կնոջ հասցէին կատարած զրպարտութիւնը ետ չքաշէ...
Պարոնեան զաւեշտին մէջ ցոյց կու տայ Եւրոպայէն եկող նոր բարքերու եւ ազատ սիրոյ գաղափարին բախումը՝ հին սերունդի աւանդապահ եւ պարկեշտ ըմբռնումներուն հետ։
Պաղտասար Աղբարը բազմաթիւ անգամներ ներկայացուած է աշխարհի զանազան քաղաքներու մէջ։ Թէեւ բազմաթիւ յայտնի դերասաններ յաջող կերպարներ ստեղծած են, թերեւս Պաղատասար աղբարի դերը լաւագոյնս մարմնաւորած է Հայաստանի ժողովրդային արուեստագէտ դերասան Մհեր Մկրտչեանը։
Նշումներ
This article uses material from the Wikipedia Արեւմտահայերէն article Պաղտասար Աղբար, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.