Էլէն Սեկարա (ֆրանսերէն՝ Hélène Ségara, ծնած՝ 26 Փետրուար, 1971-ին, Սի-Ֆուր-Լէ-Փլաժ, Վան արուարձան, Ֆրանսա), ֆրանսացի երգչուհի, երգահան, որ յայտնի է «Փարիզի Աստուածամօր տաճարը» (Notre-Dame de Paris) երաժշտական թատերգութեան մարմնաւորած Էսմերալտայի դերով, «Անասթասիա» ֆիլմի շարքերուն կատարած է Loin du froid de decembre երգը։
Էլէն Սեկարա |
---|
Էլէն Սեկարան ծնած է 1971 թուականին, Ֆրանսայի հարաւ-արեւելքի Վան արուարձանի Սի-Ֆուր-Լէ-Փլաժ բնակավայրին մէջ։ Հայրը՝ Պերնար Ռիցցոն, իտալացի է, մայրը՝ Թերեզա Գասպարեանը՝ հայուհի: Հելէնի հայազգի մեծ մայրը Մուշէն փախած եւ ապաստան գտած է Ֆրանսայի որբանոցներէն մէկուն մէջ։ Աղջկան հիմնական դաստիարակութեամբ կը զբաղէին հայազգի մեծ մայրն ու մեծ հայրը։ 11 տարեկան հասակին կատարած է L'amour en heritage (Սիրոյ ժառանգութիւն) երգը եւ ստացած է առաջին մրցանակը։ 15 տարեկանին ձգած է ուսումը եւ շարունակած է երգել ֆրանսական ակումբներու, ճաշարաններու մէջ։
1993 թուականին թողարկած է առաջին «Լօին» ալպոմը, որ յաջողություն չէ ունեցած։ 1996 թուականին որդիի՝ Ռաֆայէլի հետ տեղափոխուած է Փարիզ, ուր ծանօթացած է արտադրող Օրլանտօ Ճիլիոթթիի հետ (երգչուհի Տալիտայի եղբայրը), որ դարձած է իր արտադրողը։ Նոր «Je vous aime adieu» մեներգութիւնը իրեն յաջողութիւն բերած է եւ արժանացած է շարք մը մրցանակներու։ Այդ եւ մի քանի այլ երգեր տեղ գտած են իր «Ապակիէ Սիրտ» (1999) ալպոմին մէջ, որուն երգերէն մէկուն հանդէս եկած է Անտրէա Պոչելլիի հետ։ Ձայներիզէն վաճառուած է ավելի քան 600.000 օրինակ։ 1997 թուականին իրեն մեծ յաջողութիւն եւ փառք բերած է Էսմերալտայի դերը «Փարիզի աստուածամօր տաճարը» երաժշտական ֆիլմին մէջ, որմէ ետք երգած է «Անասթասիա» ֆիլմի շարքերուն երգը։ 1999 թուականին ստիպուած եղած է լքել երաժշտական ֆիլմը՝ Քէպէքի շրջագայութեան ընթացքին ձայնի կորուստի պատճառով։
Ձայնի վերականգնումէն ետք, թողարկել է ավելի քան 10 ձայնասկաւառակ և շուրջ 25 մեներգութիւն։ 2000 թուականին Սեկարան արժանացած է Victoires de la Musique «Տարուն արուեստագէտ» և NRJ «Տարուան ֆրանսալեզու բացահայտում» մրցանակներուն։
Իր երգերը տարբեր տարիներու գլխավորած են Ֆրանսայի, Զուիցերիոյ, Պելճիքայի երաժշտական հիթ-շքերթները։ 2011 թուականին ձայնագրած է հայկական «Տլէ Եաման» երգը, չնայած չի տիրապետեր հայերէնին: Quand l'éternité ալպոմը թողարկուած է 2006 թուականին։ Ալպոմը իր ոճով կը տարբերի միւսներէն ռոք երաժշտությամբ Սեկարայի խօսքերով։ Թողարկուելէն ետք վաճառուած է ալպոմի 200 000 օրինակ։ 2014 թուականին «Իլ Տիւօ» քառեակի հետ «Կատուներ» երաժշտական ֆիլմին մէջ կատարած է «Յիշողութիւն» երգը։
18 տարեկանին լոյս աշխարհ բերած է որդին՝ Ռաֆայէլը։ 2003 թուականին ամուսնացած է երաժիշտ Մաթիօ Լըքայի հետ, որ իր միւս երկու զաւակներուն Մաթիոյի (ծնած՝ 2003) և Մայայի (Հոկտեմբեր, 2004) հայրն է։
This article uses material from the Wikipedia Արեւմտահայերէն article Էլէն Սեկարա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.