Անտրէա Պոչելլի

Անտրէա Պոչելլի ծնած է 22 Սեպտեմբեր 1958-ին, Իտալիոյ Թոսքան մարզի Պիզա քաղաքին մէջ, թոյլ տեսողութեամբ։ Պոչելլի 12 տարեկանին ոտնագնդակի խաղի մը պատճառով կը կուրնայ: Աւելի ուշ ան կ'աւարտէ իրաւաբանական դպրոցը եւ կը սկսի լրջութեամբ զբաղիլ երգեցողութեամբ:

Պոչելլի ձայնագրած է 13 ալպոմ, որոնցմէ երկուքը դասական ու փոփ, երկու հիթային եւ ութ օփերային ալպոմներ, որոնք վաճառուած են աշխարհի շուրջ 70 միլիոն օրինակով: Պոչելլի փաստօրէն մեծագոյն ներկայացուցիչն է դասական երաժշտութեան: Այս մէկը կը վկայէ իր ալպոմներուն այդքան շատ վաճառքը։

1998-ին Պոչելլի People Magazine-ին մէջ ճանչցուած է տարուան ամենագեղեցիկ 50 մարդոցմէ մէկը։ 1999-ին «Կրեմմի» մրցանակաբաշխութեան «Լաւագոյն Նոր Արտիստ» (Best New Artist) ցանկին մէջ գնահատուած է երկրորդ անգամ, իբրեւ դասական երաժշտութեան ներկայացուցիչ։ «Կախարդական սուրը» ֆիլմին համար Պոչելլի Սելին Տիոնի հետ համատեղ "The Prayer" զուգերգը ստացած է Ոսկէ գնդակ մրցանակը, իբրեւ լաւագոյն երգ, արժանացած է նաեւ Academy Award մրցանակաբաշխութեան։ "Sacred Arias" ալպոմին համար Անտրէա Պոչելլի գրանցուած է Կինեսի ռեքորտներու գիրքին մէջ: Այս ալպոմը ամբողջ աշխարհի տարածքին ծախուած է 5 միլիոն օրինակով, դառնալով դասական ժանրի մենակատար երգիչին ամենամեծ վաճառքը ունեցող ալպոմը։ 1997-ին փոփ ալպոմը, որ կը կոչուէր "Romanza", ծախուած է ամբողջ աշխարհի տարածքին 20 միլիոն օրինակով, դարձնելով Պոչելլիի ալպոմը աշխարհում ամենամեծ վաճառքը ունեցող իտալացի երգիչի ալպոմը։ Այս ալպոմը Քանատայի, ինչպէս նաեւ Եւրոպայի ու Լատինական Ամերիկայի մէջ դարձած է ամենաշատ վաճառուող օտարազգի երգիչին ալպոմը։ Ալպոմին առաջին մենակատարումը՝ "Time to Say Goodbye" ծախուած է Գերմանիոյ մէջ 3 միլիոն օրինակով, եւ 12 միլիոն օրինակով ամբողջ աշխարհի տարածքին, դառնալով բոլոր ժամանակներու ամենամեծ վաճառքը ունեցող մենակատարումը։

Ապրիլ 2012-ին Անտրէա Պոչելլի այցելած է Հայաստան եւ բացօթեայ համերգ մը տուած է Երեւանի մէջ:

Ալպոմներ

• 1994: Il Mare Calmo della Sera
• 1995: Bocelli
• 1996/1997: Viaggio Italiano
• 1997: Aria – the opera album
• 1999: Sogno
• 1999: Sacred Arias
• 2000: Verdi
• 2001: Cieli di Toscana
• 2002: Sentimento
• 2004: Andrea
• 2006: Amore
• 2008: Incanto
• 2009: My Christmas
• 2013: Passione
• 2015: Cinema

Հաւաքածոներ

• 1997: Romanza
• 2007: The Best of Andrea Bocelli: Vivere
• 2012: Opera

Համերգային ալպոմներ

• 2006: Under the Desert Sky
• 2008: Vivere Live in Tuscany
• 2011: Concerto, One Night in Central Park
• 2013: Love in Portofino

• 1998: A Night in Tuscany
• 2000: Sacred Arias: The Home Video
• 2002: Cieli di Toscan
• 2006: Credo: John Paul I
• 2006: Under the Desert Sky
• 2008: Vivere Live in Tuscany
• 2008: Incanto, The Documentary
• 2009: My Christmas Special
• 2011: Concerto: One Night in Central Park

Օփերային ձայնագրութիւններ

• 2000: La bohème
• 2003: Tosca
• 2004: Il trovatore
• 2005: Werther
• 2006: Pagliacci
• 2007: Cavalleria rusticana
• 2008/2010: Carmen
• 2010: Andrea Chénier
• 2012: Roméo et Juliette