Ռոտոսի Աքրոփոլիս

Ռոտոսի Աքրոփոլիս
Հնաբանական վայր
	Ռոտոսի Աքրոփոլիս
	Ακρόπολη της Ρόδου
	Ռոտոսի Աքրոփոլիս, պուրակէն դիտուած
Երկիր	Յունաստան
Շրջան	Ռոտոս (կղզի)

Հակիրճ տեղեկութիւններ

Նկարագրութիւն

Ռոտոսի Աքրոփոլիսը ամրացումներ չէ ունեցած։ Կոթողական վայրի յատկութիւնը ունեցած է․ տաճարներ, հանրային շէնքեր եւ պաշտամունքի ստորերկրեայ վայրեր։ Շէնքերը կառուցուած էին յատկապէս ձեւաւորուած սարահարթերու վրայ երերուն տարբեր մակարդակներու եւ իբրեւ յենակ ունէին ուժեղ փոփոխական պատեր։

Ըստ Էյլոս Արիսդիտիս հռետորին (Բ․ դար) Ռոտոսի Աքրոփոլիսը եղած է ռազմավայր եւ պուրակ մը «πεδίων και αλσών μεστή»։

Աթինա փոլիատա եւ Զեւս Փոլիատա տաճար

Կը գտնուի Աքրոփոլիսին հիւսիսային ծայրամասը։ Ունի արեւելեան եւ արեւմտեան ուղղութիւն։ Դորեան ոճի կառուցում է։ Անոր արեւելեան սահմանագիծին ճեմուղի մը «Սթոա»ով (Στοά) կար։

Փիթիաս Ափոլոնասի տաճար

Աւելի փոքր Աթինա փոլիատա եւ Զեւս Փոլիատա տաճարէն, կը գտնուի հարաւային ծայրամասին եւ ան ալ ունի արեւելեան եւ արեւմտեան ուղղութիւն։

Յաւերժահարսերու պաշտամունքի վայր

Աթինա փոլիատա եւ Զեւս Փոլիատա տաճարին հարաւ-արեւելեան կողմը կը գտնուին չորս ստորերկրեայ ժայռափոր ենթակառոյցներ ձեւուած մուտքի աստիճաններով, անցքերով, կեդրոնական առաստաղի լայն բացուածքով, ջրարաններով եւ արձանիկներ սաղարթալի որմնախորշերով։ Այս «քարայրները» պաշտամունքի եւ հանրային զբօսավայրի համար կ՛ օգտագործուէին։

Թատրոն

Կառուցուած էր մարմար քարէ 800 հանդիսատեսներու համար։ Կը գտնուի մարզարանին հիւսիս-արեւմուտքը։

Մարզարան

210 մ․ երկարութեամբ եւ հարաւ-հիւսիս ուղղութեամբ մարզարանը կը գտնուի բլուրին հարաւ-արեւելան կողմը։

Ճեմուղին («Սթոա»)

Անոր տպաւորիչ ճակատը նաւահանգիստէն տեսանելի էր։

Արդեմիսիոն

Արտեմիս աստուածուհիին նուիրուած պաշտամունքի վայրը կը գտնուի բլուրին հարաւ-արեւելեան մասը։

Հնագիտական պեղումներ

Հնագիտական առաջին պեղումները կատարած է Իտալական Հնագիտական Դպրոցը 1912-1945, իտալական գերիշխանութեան ընթացքին։ 1946-էն ետք Յունական Հնագիտական Սպասարկութենէն կատարուած հնագիտական պեղումները, օգնած են բնորոշել հնավայրին տեղագրութիւնը եւ ուսումնասիրել շրջանի պատմութիւնը։

Պատկերասրահ

Թատրոնը եւ մարզարանը
Մարզարանը
Ստրորերկրեայ վայրերուն մուտքը
Ափոլոնասի տաճարը
Տեսարան մը հնավայրէն
Աւերակներ ․․․
Թատրոնը․ բարձրադիր դիրքէն կ՛ երեւի Ռոտոս քաղաք-նաւահանգիստը

Տե՛ս նաեւ

Լինտոսի Աքրոփոլիս (Ռոտոս)

Աքրոփոլիս

Ծանօթագրութիւններ

Արտաքին յղումներ

Էյլոս Արիսդիտիս(յունարէն)

This article uses material from the Wikipedia Արեւմտահայերէն article Ռոտոսի Աքրոփոլիս, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.