«Շանել թիւ 5» Օծանելիք»ը աշխարհի ամէնէն շատ վաճառուող օծանելիքն է եւ մինչեւ օրս կը մնայ ամէնէն փնտռուածներէն մէկը:
1921-ին, երբ Կապրիէլ Շանել արդէն իր ոճը պարտադրած էր Փարիզի նորաձեւութեան աշխարհին, կ'որոշէ ստեղծել իր սեփական օծանելիքը: Ան կը դիմէ ռուս ցարերու արքունիքի նախկին բուրագործ Էրնեսթ Պոյի, որուն առաջարկած բազմաթիւ նմուշներէն ոճաբանը կ'ընտրէ թիւ 5 նմուշը: Երբ հարցը կը հասնի այս նոր օծանելիքին անուն տալու, Կապրիէլ Շանել կ'որոշէ զայն մկրտել «Շանել թիւ 5», քանի որ 5 Մայիսին (հինգերորդ ամիս, հինգերորդ օր) հրապարակ պիտի իջնէր անուշահոտը, եւ այս թիւին մէջ ան կը տեսնէ երջանիկ նախանշան մը:
Համաշխարհային յաջողութեան հասած օծանելիքը նոյնիսկ առասպելի աստիճանի կը հասնի, երբ 1954-ին Մարիլին Մոնրոն հարցազրոյցի մը առիթով կը յայտարարէ, որ քնանալէ առաջ միայն քանի մը կաթիլ «Շանել թիւ 5» կը կրէ:
Ստեղծումէն ի վեր օծանելիքը ներկայացուած է աշխարհի ամէնէն գեղեցիկ կանանց կողմէ, ինչպէս` Քարոլ Պուքէ, Նիքոլ Քիտման եւ Վանեսա Բարատի:
Ինչ կը վերաբերի օծանելիքի սրուակին, ոճաբանը անձամբ կը պատկերացնէ եւ կը ձեւաւորէ զայն:
This article uses material from the Wikipedia Արեւմտահայերէն article «Շանել թիւ 5» Օծանելիք, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.