Enhypen

Խմբի անվանումը ներկայացվել է «I-Land»-ի վերջին սերիայի ուղիղ հեռարձակմամբ։ Խմբի անվանումը նկարագրում է, թե ինչպես են գծերը նոր բառեր կապում՝ նոր իմաստ հաղորդելու համար։ Խմբի անդամները «կկապվեն, կբացահայտեն միմյանց և կաճեն միասին»։

Նախադեբյուտ։ «I-Land»

 

2019 թվականի մարտին CJ E&M և Big Hit Entertainment լեյբլները հիմնել են Belift Lab դուստր ընկերությունը՝ 2020 թվականին նոր խումբ ստեղծելու ծրագրով ։ Լսումները սկսվել են նույն ամսին Սեուլում, ԱՄՆ-ում, Թայվանում և Ճապոնիայում՝ 1997-2008 թվականներին ծնված տղա թրեյնիների շրջանում։ 2020 թվականի մայիսի 8-ին Mnet հեռուստաալիքը հայտարարել է «I-Land» գոյատևման շոուի մասին, որը երկու ընկերությունների համատեղ ձեռնարկությունն է և որոնք «հետևում են նոր քեյ փոփ սերնդի արտիստների ծննդին»։ Enhypen խումբը ձևավորվել է «I-Land» շոուի ժամանակ՝ 23 տղա այդոլների մասնակցությամբ, որոնք Belift Lab լեյբլում մարզումներ են անցել։ Շոուն հեռարձակվել է ամեն շաբաթ Mnet հեռուստաալիքում՝ 2020 թվականի հունիսի 26-ից սեպտեմբերի 18-ը և Big Hit Entertainment-ի ՅուԹյուբյան ալիքի միջոցով տարածվել ամբողջ աշխարհով։ Շոուն բաժանվել է երկու փուլի։ Առաջին փուլի 12 մասնակիցները անցել են երկրորդ փուլ։ Եզրափակիչ սերիայում ինը ֆինալիստներից ընտրվել են յոթ անդամներ, որոնցից վեցն ընտրվել են գլոբալ վարկանիշի միջոցով, իսկ յոթերորդ անդամին ընտրել է պրոդյուսերը։ Խմբի դեբյուտային կազմը, բաղկացած յոթ անդամներից՝Հիսընից, Ջեյից, Ջեյքից, Սոնհունից, Սոնուից, Չոնվոնից և Նի Կիից, հայտարարվել է հեռուստատեսության եզրափակից ուղիղ եթերում։

2020: Դեբյուտ, «Border: Day One»

2020 թվականի հոկտեմբերի 22-ին, «Choose-Chosen» անվամբ թրեյլերը հրապարակվել է Enhypen-ի ՅուԹյուբյան ալիքում՝ հայտարարելով խմբի դեբյուտի մասին, որը տեղի էր ունենալու 2020 թվականի նոյեմբերին։ «Dusk-Dawn» անվամբ երկրորդ թրեյլերը հրապարակվել է երեք օր անց։ Հոկտեմբերի 28-ին Belift Lab լեյբլն հայտարարել է, որ նոյեմբերի 30-ին Enhypen-ը թողարկելու է իր առաջին մինի ալբոմը՝ «Border: Day One»-ը։ Նոյեմբերի 4-ին հայտարարվել է, որ երկու օրվա ընթացքում ալբոմի նախավաճառքները հասել են 150 հազար օրինակի։ Դեբյուտին ընդառաջ սոցիալական ցանցերում խումբը մեծաքանակ հետևորդներ է հավաքել, հասնելով մեկ միլիոն հետևորդների ՏիկՏոկում, Թվիթթերում, ՅուԹյուբում, Ինստագրամում և V Live-ում։ Նոյեմբերի 21-ին նախավաճառքները հասել են 300 հազարի։ «Border: Day One» մինի ալբոմը և գլխավոր՝ «Given-Taken» սինգլը թողարկվել են 2020 թվականի նոյեմբերի 30-ին։

Border: Day One-ը զբաղեցրել է #39-րդ հորիզոնականը Oricon 2020-ի ամենամյա ալբոմների աղյուսակում և #2-ը՝ Հարավային Կորեայի Gaon Album Chart-ում՝ մեկ օրում վաճառելով 318,528 օրինակ և դառնալով K-pop խմբի ամենաշատ վաճառվող ալբոմը։Ալբոմը զբաղեցրեց 1-ին հորիզոնականը Hanteo Charts-ում՝ 2021 թվականին նորաստեղծ խմբի կողմից ամենավաճառվող ալբոմի ռեկորդակիր։ Դեբյուտից հետո երկու շաբաթվա ընթացքում խումբը շահեց Next Leader մրցանակը 2020 The Fact Music Awards-ում։

2021 փետրվար–մինչև մեր օրեր

2021 թվականի փետրվարին Border: Day One-ը ստացել է պլատինե հավաստագիր Կորեայի երաժշտական բովանդակության ասոցիացիայից (KMCA)՝ խմբին տալով իրենց առաջին հավաստագիրը երկրում։ 2021 թվականի մարտի 25-ին Բելիֆթը հայտարարեց, որ Էնհայփենը կվերադառնա ապրիլի վերջին։Ապրիլի 5-ին թողարկվեց "Intro: The Invitation" վերնագրով թրեյլերը, որը հայտարարում էր նրանց երկրորդ ընդլայնված ալբոմը Border: Carnival : EP-ն թողարկվել է իր գլխավոր «Drunk-Dazed» սինգլի հետ համատեղ։ Ապրիլի 8-ին հայտարարվեց, որ ալբոմի նախնական պատվերները երեք օրվա ընթացքում գերազանցել են 370,000 օրինակը։ Մինչ թողարկման օրը ալբոմի նախնական պատվերները գերազանցել էին 450,000 օրինակը։ Ապրիլի 27-ին Hanteo Chart-ը հրապարակեց Daily Physical Album-ի վարկանիշային աղյուսակը, որտեղ Enhypen-ը զբաղեցրեց առաջին տեղը՝ 319,073 ընդհանուր վաճառքով իրենց նոր ալբոմը, սահմանելով նոր անձնական ռեկորդ՝ առաջին օրվա ալբոմների վաճառքի ամենաբարձր ցուցանիշով։

Մայիսի 4-ին խումբը ստացավ իր առաջին երաժշտական շոուի հաղթանակը SBS MTV-ի The Show-ում, «Drunk-Dazed» –ով ։ Շուտով դրան հաջորդեցին հաղթանակներ Show Champion-ում և Music Bank-ում:Նրանց երկրորդ ընդլայնված ալբոմը, Border: Carnival, առաջին անգամ զբաղեցրեց Oricon Albums Chart-ի առաջին տեղը՝ դառնալով խմբի առաջին չարթը Ճապոնիայում՝ ավելի քան 83,000 օրինակով վաճառված։ Մայիսի 25-ին Border: Carnival –ը դեբյուտ արեց Բիլբորդ 200 չարթում լինելով #18րդ հորիզոնականում։ Այն նաև հայտնվեց #3-րդ տեղում «Drunk-Dazed»-ի թվային երգերի համաշխարհային վաճառքում, 9-րդ տեղը World Albums-ում, #4-ը լավագույն ալբոմների վաճառքում, #4-ը լավագույն ընթացիկ ալբոմների վաճառքում և #6-ը՝ Tastemaker Albums-ում։ Բացի այդ, Էնհայպենն առաջին անգամ հայտնվում է նաև Billboard Artist 100 աղյուսակի #18-րդ հորիզոնականում։

2021 թվականի հուլիսի 6-ին Enhypen –ը արեց իր ճապոնական դեբյուտը Border: Hakanai ( BORDER : 儚い) սինգլի հետ, որը ներառում է «Forget Me Not»-ը, որը ծառայում է որպես Re-Main անիմեի օփենինգ, և «Given-Taken» , «Let Me In (20 Cube)» ճապոներեն տարբերակները։ 2021 թվականի հուլիսի 29-ին Enhypen –ը համագործակցեց համակարգչային անիմացիոն հեռուստատեսային «Tayo the Little Bus» սերիալի հետ՝ վերապատրաստելով «Hey Tayo» թեմատիկ երգը և թողարկելով նոր երգ՝ «Billy Poco» վերնագրով։

2021 թվականի օգոստոսի 25-ին Բելիֆթը հաստատեց, որ Enhypen–ը կվերադառնա սեպտեմբերի վերջին։ Սեպտեմբերի 2-ին Belift-ը հայտարարեց, որ անդամներ Հիսինը, Ջեյը, Ջեյքը, Սոնհունը և Չոնվոնը դրական են եղել COVID-19-ի թեստ հանձնելուց հետո։ Սեպտեմբերի 5-ին անդամ Նի Կին նույնպես դրական արդյունք է տվել։ 2021 թվականի սեպտեմբերի 16-ին Belift-ը հայտարարեց, որ տղաներն ապաքինվել են և որ իրենց առաջին լիամետրաժ ալբոմը՝ Dimension: Dilemma, պետք է թողարկվի հոկտեմբերի 12-ին , իսկ սեպտեմբերի 17-ին թողարկվի «Intro: Whiteout» վերնագրով թրեյլերը։ Սեպտեմբերի 23-ին հայտարարվեց, որ ալբոմի նախնական պատվերները վեց օրվա ընթացքում գերազանցել են 600,000 օրինակը։ Հոկտեմբերի 7-ին նախնական պատվերները գերազանցել էին 910,000 օրինակը։ Հոկտեմբերի 12-ին թողարկվելուց հետո ալբոմը վաճառվեց 501,748 օրինակով առաջին օրը Hanteo չարթերում, և նաև զբաղեցրեց 1-ին հորիզոնականը Ճապոնիայի Oricon ալբոմների աղյուսակում և Կորեայում՝ Gaon Album Chart-ում։

Հոկտեմբերի 19-ին խումբը ստացավ իր 4-րդ երաժշտական շոուի հաղթանակը SBS MTV-ի The Show-ում «Tamed-Dashed» երգով։Շուտով դրան հաջորդեցին հաղթանակներ Show Champion-ում և Music Bank-ում:Հոկտեմբերի 25-ին Dimension: Dilemma-ն առաջին անգամ հայտնվեց Billboard 200 աղյուսակում #11րդ հորիզոնականում՝ գերազանցելով իրենց ռեկորդը Border: Carnival–ի ժամանակաշրջանում՝ 18-րդ հորիզոնականով։ Բացի այդ,Enhypen –ը նաև մտել է Billboard Artist 100 Chart #12րդ հորիզոնականով։

2022 թվականի հունվարի 16-ին խմբի մասին նոր գեղարվեստական վեբթունային շարք կթողարկվի՝ «Dark Moon. The Blood Alter» վերնագրով ։

Ստուդիական ալբոմներ

• Dimension: Dilemma (2021)

Մինի ալբոմներ

• Border: Day One (2020)
• Border: Carnival (2021)

Հեռուստատեսություն

Առցանց շոուներ