Թոմաս Միլիան
Թոմաս Միլիան (անգլ.՝ Tomas Milian, իրական անունը Թոմաս Կինտին Ռոդրիգես անգլ.՝ Tomás Quintín Rodriguez, մարտի 3, 1933(1933-03-03), Հավանա, Կուբա - մարտի 22, 2017(2017-03-22), Մայամի, Ֆլորիդա, ԱՄՆ), կուբա-ամերիկացի դերասան, ով մեկ քառորդ դար աշխատել է Իտալիայում։ Իտալական Ռոդոլֆ Վալենտինոյի անվան կինոմրցանակի և իտալական կինոյում ունեցած մեծ ավանդի համար մրցանակների դափնեկիր։
 | |
|---|---|
 | |
| Ծնվել է | մարտի 3, 1933 |
| Ծննդավայր | Հավանա, Կուբա |
| Մահացել է | մարտի 22, 2017 (84 տարեկան) |
| Մահվան վայր | Մայամի, Ֆլորիդա, ԱՄՆ |
| Քաղաքացիություն |  ԱՄՆ և  Կուբա |
| Մասնագիտություն | կինոդերասան, հեռուստատեսային դերասան, սցենարիստ, երգիչ, թատրոնի դերասան և հնչյունավորող |
| Ժանրեր | վեսթեռն |
| tomasmilian.it | |
Կենսագրություն
Թոմաս Միլիանը ծնվել է 1932 թվականի մարտի 3-ին, Կուբայի Հավանա քաղաքում։ Կուբացի գեներալ, բնիկ հավանացու որդի է։ Նրա հորը ձերբակալում և բանտարկում են, որի արդյունքում Նոր տարվա գիշերն ինքնասպանություն է գործում։ 1956 թվականին գաղթել է Ամերիկայի Միացյալ Նահանգներ։ Հետագայում սովորել է Մայամիի համալսարանում, որտեղ, անգլերեն սովորելու ժամանակ, հաջողությամբ անցնում է ուսանողական բեմադրության մասնակցության փորձերը։ Դրա շնորհիվ, ինչպես նաև դրամատիկական բաժնի դեկանի խորհրդով, Միլիանը որոշում է դառնալ դերասան.
 | Երբ ես տեսա իմ անունով հայտարարությունը, ասացի. գրողը տանի, ես ի՞նչ գործ ունեմ այստեղ։ Ես ժամանակ եմ կորցնում։ - հիշում է Միլիանը |  |
Դրանից հետո նա լքում է Կուբան և շարունակում հետևել իր՝ դերասան դառնալու նպատակին։ Այդ իսկ պատճառով բնակություն է հաստատում ԱՄՆ-ում, որտեղ ցանկանում էր սովորել Նյու Յորքի դերասանական ստուդիայում, միայն թե փորձի պակասից դա իրեն չի հաջողվում։ Այդ ժամանակ Միլիանը գտնում է վերելակավարի աշխատանք պրեսբիտերական հիվանդանոցում, որտեղ նույնպես երկար չի մնում։ Ընդունվում է ռազմածովային ծառայության, բայց երիկամների լուրջ հիվանդության պատճառով ծառայում է ուսուցողական ճամբարում միայն վեց ամիս։ Չկորցնելով դերասան դառնալու հույսը և գնելով Ստանիսլավսկու ընդունելության քննության գիրքը, Միլիանը, այնուամենայնիվ, դիմում է Նյու Յորքի դերասանական ստուդիա։
Կարիերա
Ամերիկայի Միացյալ Նահանգներում իր դերասանական կարիերան սկսելուց հետո, նա 1958 թվականին մեկնում է Իտալիա, որպեսզի մասնակցի Սպոլետո քաղաքում կայացող կինոփառատոնին։
Թատրոն, առաջին ֆիլմեր
Ստուդիայում ստանալով անհրաժեշտ դերասանական փորձը, Միլիանը սկզբում հայտնվեց մի քանի շոուներում, ապա ստացավ իր առաջին դերը թատրոնում։ Դերասանի խաղը դուր եկավ Ժան Կոկոտոյին և կոմպոզիտոր Ժան Կարլ Մենոթիին։ Մենոթիին հատուկ Թոմաս Միլիանի համար գրում է «Բանաստեղծը և մուսա»-ն մնջախաղը, որը ներկայացվել էր Իտալիայի հանրության առաջ Սպոլետո քաղաքում կայացող կինոփառատոնի ժամանակ։ Մնջախաղի բեմադրիչը իտալացի դերասան, ռեժիսոր, պրոդյուսեր, սցենարիստ, օպերաների բեմադրիչ Ֆրանկո Ձեֆֆիրելլին էր։
Նրա տաղանդը նկատում է նաև ռեժիսոր Մաուրո Բոլոնինին, ով առաջարկում է Թոմասին խաղալ «Փոտորկոտ գիշեր» ֆիլմում որպես երկրորդական դեր։ Ավելի ուշ նա խաղում է նաև «Գեղասքանչ Անտոնիո» դրամայում։
| | Իտալիայում իմ անցկացրած առաջին տարիներին ես խաղում էի բացառապես ինտելեկտուալ ֆիլմում, որն իրականում ինձ ձանձրացնում էր։ - Հիշում է Թոմաս Միլիանը | |
Ծանոթագրություններ
Արտաքին հղումներ
- Tomás Milián Internet Movie Database կայքում
- Tomás Milián interview Արխիվացված 2009-10-07 Wayback Machine (իտալերեն)
- Tomás Milián fan site (իտալերեն)
- Tomas Milian in The Designated Victim – TCM's Movie Morlocks Արխիվացված 2017-03-24 Wayback Machine
Մատենագրություն
- Giorgio Navarro, Er Cubbano de Roma, Edizioni IME, Firenze, 1999, ISBN 88-900359-2-7
- Gordiano Lupi, Il trucido e lo sbirro, Edizioni Profondo Rosso, Roma, 2001, ISBN 88-89084-50-2
- Daniele Magni e Silvio Giobbio, Ancora più... Cinici infami e violenti - Dizionario dei film polizieschi italiani anni '70, Bloodbuster Edizioni, 2010, ISBN 978-88-902087-4-4
This article uses material from the Wikipedia Հայերեն article Թոմաս Միլիան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.