Դիստրիա Կրասնիչի
Դիստրիա Կրասնիչի (ալբ․՝ Distria Krasniqi, դեկտեմբերի 10, 1995(1995-12-10), Պեչ, Սերբիա և Չեռնոգորիա), կոսովոցի ձյուդոիստ։ Օլիմպիական խաղերի չեմպիոն մինչև 48 կգ քաշային կարգում, 2021 թվականի Եվրոպայի ճեմպիոն, Եվրոպայի և աշխարհի առաջնությունների մեդալակիր։
| Դիստրիա Կրասնիչի | |
|---|---|
.jpg) | |
| Անձնական տեղեկություն | |
| Սեռ՝ | իգական |
| Մասնագիտացում՝ | ձյուդոիստ |
| Երկիր՝ |  Կոսովո |
| Ծննդյան ամսաթիվ՝ | դեկտեմբերի 10, 1995 (28 տարեկան) |
| Ծննդավայր՝ | Պեչ, Սերբիա և Չեռնոգորիա |
| 155 սանտիմետր | |
Կենսագրություն
Դիստրիա Կրասնիչին ծնվել է 1995 թվականին։ Ձյուդոյով զբաղվել սկսել է յոթ տարեկանում իր եղբոր նախաձեռնությամբ։
Եվրոպայի 2018 թվականի առաջնությունում, որն անցկացվել է Իսրայելում, Դիստրիա Կրասնիչին մինչև 52 կգ քաշային կարգում նվաճել է արծաթե մեդալ՝ եզրափակչում զիջելով Ռուսաստանը ներկայացնող Նատալյա Կուզյուտինային։
Տոկիոյում կայացած աշխարհի 2019 թվականի նախաօլիմպիական առաջնությունում բրոնզե մեդալ է նվաճել՝ բրոնզե մեդալի համար գոտեմարտում հաղթելով իսպանացի Լաուրա Մարտինեսին։
2020 թվականի Եվրոպայի առաջնությունում, որն անցկացվել է նոյեմբերին Չեխիայի մայրաքաղաքում, Դիստրիան կարողացել է նվաճել բրոնզե մեդալ։ Քառորդ եզրափակչում պարտվել է Եվրոպայի ապագա չեմպիոնին՝ ֆրանսիացի Շիրին Բուկլիին։
2021 թվականի ապրիլին Պորտուգալիայի մայրաքաղաք Լիսաբոնում կայացած Եվրոպայի առաջնությունում Դիստրիան մինչև 48 կգ քաշային կարգում կարողացել է հասնել մինչև եզրափակիչ, որտեղ դարձել է մայրցամաքի չեմպիոն։ Ուկրաինացի ձյուդոիստ Դարյա Բելոդեդը, որը պետք է մասնակցեր եզրափակչին, գոտեմարտի դուրս չի եկել։
2021 թվականին ոսկե մեդալ է նվաճել Դոհայում (Քաթար) կայացած Judo World Masters առաջնությունում։
Կրասնիչին ներկայացրել է Կոսովոն 2020 թվականի Ամառային օլիմպիական խաղերում, որը նրա համար դարձել է առաջինն իր կարիերայում։ Մրցումների արդյունքում նա ոսկե մեդալ է նվաճել մինչև 48 կգ քաշային կարգում՝ եզրափակիչ գոտեմարտում պարտության մատնելով ճապոնացի Ֆունա Տոնակիին։
Ծանոթագրություններ
Արտաքին հղումներ
- Դիստրիա Կրասնիչիի էջը judoinside.com կայքում
 | Վիքիպահեստն ունի նյութեր, որոնք վերաբերում են «Դիստրիա Կրասնիչի» հոդվածին։ |
This article uses material from the Wikipedia Հայերեն article Դիստրիա Կրասնիչի, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.