Wulkołopješkata wjerba (Salix appendiculata) je rostlina ze swójby wjerbowych rostlinow (Salicaceae).
Wulkołopješkata wjerba (Salix appendiculata) | |
systematika | |
---|---|
Domena | Eukaryoty |
Swět | Rostlinstwo |
Rosidy Eurosidy I | |
rjad: | (Malpighiales) |
swójba: | Wjerbowe rostliny (Salicaceae) |
ród: | Wjerba |
družina: | Wulkołopješkata wjerba |
wědomostne mjeno | |
Salix appendiculata | |
Vill. | |
Wulkołopješkata wjerba je w lěću zeleny wulki kerk abo małki štom, kotryž docpěwa wysokosć wot 2 hač do 6 m. Jeje róst je šěroki. Skora je šěra a hładka. Jeje drjewo je hładke a nima pruskele.
Łopjena su wopak jejkojte, hładkokromne abo hrubje zubate a docpěwaja dołhosć wot 5 hač do 18 cm a šěrokosć wot hač do 5 cm. Často kroma je žołmata. Wone su na hornim boku nahe, ale na delnim boku su rozpjeršene kosmate. Pódlanske łopješka su wutrobojte hač jěrchenkojte.
Kćěje wot apryla hač do meje. Kćenja su dwudomnje rozdźělene a so bjezposrědnje před abo z łopjenami jewja. Micki su sedźace a docpěwaja dołhosć wot něhdźe 3 cm.
Kćenja so wot pčołkow a druhich, wopróšowacych překasanc wopytaja.
Symjenja njesu włosy a tohodla so móžeja wot wětra jara daloko rozšěrjuja.
Rosće w kerčinach z wysokich trajnych zelow, w alpinskich lěsach a na lawinowych smuhach. Ma radšo włóžne, čumpate hač kamjentne, zwjetša wapnite pódy na chódnych, powětrowłóžnych stejnišćach.
Rostlina je w Alpach, w Alpskim předkraju, w Jura, w balkanskich horinach rozšěrjena, při čimž we wysokosćach wot hač do 2100 m wustupuje. Ale tež je reliktowe jewjenje w Čornym lěsu a w Šumawje.
Wulkołopješkata wjerba často bastarduje z druhimi wjerbami, předewšěm z wšědnej wjerbu (Salix caprea).
This article uses material from the Wikipedia Hornjoserbsce article Wulkołopješkata wjerba, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.