Karl Richard Needon (* 3.
nowembra">3. nowembra 1861 w Drježdźanach; † 5. awgusta 1931 w Budyšinje) běše němski pedagoga, stawiznar a domiznowědnik.
Wopytowaše wot lěta 1872 Budyski gymnazij a wot 1978 kralowski gymnazij w Drježdźanskim Nowym měsće. Wot 1881 studowaše w Lipsku filologiju a stawizny a promowowaše w lěće 1885.
Po studiju dźěłaše najprjedy na Lipšćanskim gymnaziju a potom jako wikar we Worcynje a Šwikawje, hdźež sta so 1890 z gymnazialnym wučerjom. 1894 přińdźe wróćo do Budyskeho gymnazija, hdźež skutkowaše potom třiceći lět jako wučer. 1906 spožči so jemu titul profesora.
Wot 1911 do 1922 bě wón z nawodu Budyskeje měšćanskeje knihownje.
Needon slědźeše předewšěm na polu sakskich stawiznow, wosebje wo Hornjej Łužicy a stawiznach Budyšina. Wozjewješe nimo monografijow tež wjele přinoškow w časopisach Bautzener Geschichtshefte, Bautzener Tageblatt, Oberlausitzer Heimatzeitung kaž tež w Nowym łužiskim magacinje.
Richard Needon zemrě 5. awgusta 1931 w Budyšinje dla chorosće wutroby a bu na Tuchorskim kěrchowje pódla mandźelskeje Marie († 1929) pohrjebany.
This article uses material from the Wikipedia Hornjoserbsce article Richard Needon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.