Niagaraske Wodopady
Niagaraske wodopady (jendźelsce Niagara Falls) su wodopady rěki Niagara River mjez Erieskim a Ontarioskim jězorom při hranicy mjez US-ameriskim zwjazkowym statom New York a kanadiskej prowincu Ontario.
Niagara Falls je nimo toho mjeno susodneju městow Niagara Falls w staće New York a Niagara Falls na kanadiskim boku. Mjeno Niagara pochadźa wot prěnjotnje tu bydlacych Indianow a woznamjenja „hrimotaca woda“. Wodopady su woblubowany cil za turistow a maja wob lěto wjace hač 18 milionow wopytowarjow.
Niagaraske wodopady wobsteja z dweju wodopadow, jednoho na US-ameriskim boku (American Falls) a jednoho na samej hranicy mjez USA a Kanadu (Horseshoe Falls = „Pódkowowy wodopad“). Ameriski wodopad je 260 metrow dołhi a mjez 21 a 34 metrami wysoki, Pódkowowy wodopad je 670 metrow dołhi a ma wysokosć wot 57 metrow. Wulki dźěl wody rěki Niagara wužiwa so dźensa za dobywanje energije. Za łódźe wobsteji móžnosć, wodopady přez 43 km dołhi Wellandski kanal wobjězdźić.
-
Panorama wodopadow -
Kanadiski bok -
Wusušeny ameriski wodopad w lěće 1969 -
Satelitowy wobraz wodopadow
Wotkaz
Commons: Niagaraske wodopady – Zběrka wobrazow, widejow a awdiodatajowThis article uses material from the Wikipedia Hornjoserbsce article Niagaraske wodopady, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.