Neuruppin je němske město na sewjeru Braniborskeje a zarjadniske sydło wokrjesa Ostprignitz-Ruppin.
Ma něhdźe 30.000 wobydlerjow a nadeńdźe so při Ruppinskim jězoru rěki Rhin něhdźe 60 kilometrow sewjerowuchodnje Berlina. Neuruppin je po přestrjeni jedne z najwjetšich městow w Němskej.
Wopon | ||
---|---|---|
| ||
Zakładne daty | ||
stat | Němska | |
zwjazkowy kraj | Braniborska | |
wokrjes | Ostprignitz-Ruppin | |
wysokosć | 44 metrow n.m.hł. | |
přestrjeń | 305,25 km² | |
wobydlerstwo | 31.002 (31. dec 2021) | |
hustosć zasydlenja | 102 wob. na km² | |
póstowe čisła | 16816, 16818, 16827, 16833, 16835 | |
předwólba | (+49) 03391 | |
awtowa značka | OPR, KY, NP, WK | |
Politika a zarjadnistwo | ||
měšćanosta | Jens-Peter Golde (Pro Ruppin) | |
adresa | Karl-Liebknecht-Straße 33/34 16816 Neuruppin | |
webstrona | neuruppin.de | |
Połoženje w Braniborskej | ||
wikidata: Neuruppin (Q16085) |
Do 10. lětstotka běše Ruppinske hrodźišćo ze srjedźišćom słowjanskich kmjenow tuteje kónčiny. Po němskim dobyću załoži so na tutym městnje hród němskich zemjanow. Sydlišćo Neuruppin naspomni so prěni raz w lěće 1238 a dósta 1256 měšćanske prawa.
Město leži njedaloko awtodróhi A 24 (Berlin–Hamburg) a je přez železnisku čaru Kremmen–Meyenburg z Berlinom zwjazane. Blisko města leži wojerske zwučowanišćo Wittstock.
Najsławniši syn města je spisowaćel Theodor Fontane, kiž je so 1819 w Neuruppinje narodźił. Dalše wosobiny z Neuruppina su pruski twarski mišter Karl Friedrich Schinkel (1781–1841), lyrikar Erich Arendt (1903–1984) a spisowaćelka Eva Strittmatter (1930–2011).
This article uses material from the Wikipedia Hornjoserbsce article Neuruppin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.