Meridian abo dokładnišo tež njebjeski meridian (łaćonsce circulus meridianus = připołdniši kruh) je w astronomiji wubrany imaginarny wulki kruh na njebjeskej kuli, wotwisny wot pozicije wobkedźbowarja na zemskim powjerchu.
Wobsahuje sewjerny a južny dypk wobzora, sewjerny a južny njebjeski čop kaž tež cenit a nadir. Meridian steji nimo toho padorunje na lokalnym wobzoru wobkedźbowarja.
Wobzor wotpowěduje tu, cyle w astronomiskim zmysle, imaginarnej wobzorowej liniji, tohorunja wulki kruh na njebjeskej kuli.
W meridianje docpěwaja wšě hwězdy swoju najwjetšu wysokosć (wyša kulminacija) a dwanaće hodźin hwězdneho časa pozdźišo swoju najmjeńšu. Při tym so z meridianom často, zjednorjene, jenož štwórćkruh mjez cenitom a južnym wobzorom (na sewjernej połkuli) resp. sewjernym wobzorom (na južnej połkuli) měni a wobhladuje, kotryž je za kulminaciske wobkedźbowanja wažny.
Měnja-li so stopjeń dołhosće wobkedźbowanskeho stejnišća, da měnja so tež přeběh njebjeskeho meridiana.
This article uses material from the Wikipedia Hornjoserbsce article Meridian (astronomija), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.