Jakub Rachlowc (němsce Jacob Rachlitz; * 4.
meje">4. meje 1817 w Hućinje, † 6. julija 1858 runje tam) bě serbski muler a ludowy basnik.
Narodźi so jako syn małeho zahrodnika w tehdy hišće dospołnje serbskorěčnej Hućinje a nawukny mulerstwo. Dźěłaše tež jako młóck pola burow a w zymje jako nócny stražnik. W lěće 1840 přewza w starobje 23 lět nanowu žiwnosć, na kotrejž ležeše wysoka renta, dyrbi ju pak dołha dla 1851 předać. Po tym bě na podrustwje w Brězynje, Jamnom a Hućinje. Prěnja žona a wšě jeho sydom dźěći jemu zemrěchu. Wón sam wumrě wochudnjeny w lěće 1858 w starobje jenož 41 lět.
Jakub Rachlowc wozjewi za čas wozrodźenja w 1840tych a 1850tych lětach w Tydźenskej Nowinje a w Serbskich Nowinach něhdźe 30 składnostnych basnjow, mjez druhim pryzlojte přeprošenja na kermušu abo hermank. Ze socialnostawizniskeho wida su jeho basnje wo žiwjenju mulerjow hódnotne, w kotrychž předstaja jich bědu w swojim času. Wón hraješe tež na huslach a dźiwaše na dodźerženje kwasnych nałožkow.
This article uses material from the Wikipedia Hornjoserbsce article Jakub Rachlowc, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.