Nowa doba běchu hłowne hornjoserbske nowiny w Němskej demokratiskej republice a w tutej funkciji naslědnik w lěće 1937 zakazanych Serbskich Nowin.
Prěnje čisło wuńdźe 6. julija 1947 w Budyšinje. Wudawachu so najprjedy jenož jónu wob tydźeń, wot oktobra 1947 dwójce a wot julija 1948 trójce. Wot 1. oktobra 1955 wuńdźe Nowa doba kóždy dźeń wot póndźele hač do pjatka a bě tuž jenički serbski dźenik. Jako přiłohi Noweje doby wuńdźechu „Hłós młodźiny“, „Nowa doba za dźěći“, „Młody pioněr“, „Nowa Łužica“ a „Nowe Słowjanstwo“.
W redakciji Noweje doby dźěłachu mjez druhimi Měrćin Nowak-Njechorński jako prěni šefredaktor 1947, Jurij Wuješ (1949–1954), Sieghard Kozel (šefredaktor 1973–1990), Róža Domašcyna, Jan Nuk, Alfons Wićaz a Beno Bělk.
Spočatk lěta 1991 přemjenowachu so nowiny zaso na Serbske Nowiny.
This article uses material from the Wikipedia Hornjoserbsce article Nowa doba, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.