Šunow (němsce Schönau) je wjes z 259 wobydlerjemi w hornjołužiskim Budyskim wokrjesu.
Wot lěta 1994 słuša ke gmejnje Ralbicy-Róžant a je po wobydlerstwje jeje třeći najwjetši wjesny dźěl.
| ||
gmejna: | Ralbicy-Róžant | |
zagmejnowanje: | 1974 (do Ralbic) | |
wobydlerstwo: | 259 (31. decembra 2023) | |
wysokosć: | 136 metrow n.m.hł. | |
51.32277777777814.227222222222136 | ||
póstowe čisło: | 01920 | |
předwólba: | 035792 | |
Swjaty křiž w Šunowje | ||
wikidata: Šunow (Q160812) |
Šunow leži wokoło tři kilometry sewjerozapadnje gmejnskeho centra Ralbic we wysokosći 136 metrow nad mórskej hładźinu na lěwym brjoze Klóšterskeje wody w serbskich Delanach. Najblišej měsće stej Kulow něhdźe sydom kilometrow na sewjer a Kamjenc něhdźe jědnaće kilometrow na juhozapad.
Wjesne mjeno bu najskerje wot staroserbskeho Šumow wotwodźeny, štož poćahuje so na połoženje w jara lěsojtej kónčinje, přirunaj serbiskochorwatsce šuma = „lěs“.
Prěnje historiske naspomnjenje jako Schzonow je z lěta 1374. Ležownostne knjejstwo měješe přez lětstotki Klóšter Marijina hwězda, kotremuž słušeše tež klóšterske kubło w Šunowje.
We 1880tych lětach měješe Šunow po statistice Arnošta Muki cyłkownje 247 wobydlerjow, z nich 237 Serbow (96 %) a dźesać Němcow. Arnošt Černik zwěsći w lěće 1956 serbski podźěl ludnosće wot 90 %.
This article uses material from the Wikipedia Hornjoserbsce article Šunow, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.