Ralbicy-Róžant Konjecy: Wjes w Budyskim wokrjesu, gmejnski dźěl Ralbic-Róžanta

Słušeja ke gmejnje Ralbicy-Róžant a leža 136 m nad mórskej hładźinu na prawym boku Klóšterskeje wody w serbskich Delanach. Hač do lěta 1974 běchu Konjecy samostatna gmejna, po tym wjesny dźěl Ralbic.

Konjecy
Cunnewitz

DEC
gmejna:	Ralbicy-Róžant
zagmejnowanje:	1974 (do Ralbic)
wobydlerstwo:	286 (31. decembra 2023)
wysokosć:	136 metrow n.m.hł.
51.32305555555614.234722222222136 Koordinaty: 51° 19′ 23″ S, 14° 14′ 5″ W
póstowe čisło:	01920
předwólba:	035796
Powětrowy wobraz Konjec (2018)
wikidata: Konjecy (Q160608)

Susodne wjeski su ke Kulowej słušaca Koćina na sewjeru, Trupin (gmejna Rakecy) na wuchodźe, Ralbicy na juhu a Šunow na zapadźe.

Ležownostne mjena

Michał Rostok naliči 1887 slědowace serbske ležownostne mjena w Konjecach: Wumjeńki, Rune wsy, Załužk, Pod hocholcom, Pjecwišća, W hozdźu, Brody, Wěry, Po šesća (w Pošesćach), Po štyrjom, Jabłońka, Kročišća, Kuty, Chmjelnica, Łučiny, Jězorcy, Šipje, Mroka, Wuhońska hola, Na łuhach.

 

Prěnje historiske naspomnjenje jako Kvnewiz je z lěta 1264. Ležownostne knjejstwo wukonješe přez lětstotki klóšter Marijina hwězda. Cyrkwinsce słušachu Konjecy do wutworjenja Ralbičanskeje wosady w lěće 1716 do Chrósćic.

Po Wienskim kongresu lěta 1815 přińdźe susodna Koćina kaž cyły sewjer Hornjeje Łužicy k Pruskej, Konjecy same wostachu pak sakske. Hranica běžeše hač do lěta 1945 njedaloko wot modlerskeho stołpa „Mortwa holčka“ při puću mjez woběmaj wsomaj.

Wobydlerstwo

W lěće 1884 měješe wjes po Mukowej statistice 211 bjez wuwzaća serbskich wobydlerjow. Arnošt Černik zwěsći w lěće 1956 serbskorěčny podźěl wobydlerstwa wot hišće 78,6 %.

Dźensa su Konjecy po wobydlerstwje druhi najwjetši wjesny dźěl gmejny Ralbicy-Róžant.

• Pawoł Rota: Konjecy – stare burske sydlišćo w Delanach. W Serbskej protyce 1991, str. 93–95