Thomas Henry Huxley (4 May 1825 – 29 June 1895) ek English biologist rahaa.
Uske Darwin's Bulldog ke naam se jaana jaawat rahaa kaahe ki uu Charles Darwin ke theory of evolution ke support karat rahaa. Huxley, ke Darwin ke kuchh ideas ke support kare me kuchh din lagaa lekin uu public me Darwin ke puura support karat rahaa.
Huxley ke 1860 ke English Bishop Samuel Wilberforce se debate ek famous public event rahaa. Ii debate evolution ke baare me rahaa aur iske newspaper me achchaa report karaa gais rahaa. Bahut log ii soche hae ki Huxley ii debate ke jiit liis rahaa, jisse Huxley ke career ke barrhawa milaa, aur iske saathe theory of evolution ke bhi. Huxley, Britain me scientific education suruu karis aur extreme forms of religion ke virod karis. Huxley apne ke agnostic batais aur aajkal ii sabd jaada kaam me lawa jaawe hae.
Huxley bahut kamtii school parrhis aur jon koi chij uu janat rahaa, ke apne se sikhis. Uu ek khaas anatomist aurzoologist banaa. Baad me uu admii aur bandar ke evolution ke baare me discuss karis. Uske ek aur bichar ii rahaa ki chirrya carnivorous dinosaurs se evolve bhais,jiske aajkal sach maana jaawe hae.
Uske evolution ke favour me kaam, aur uske scientific education ke khatir kaam ke bhaari asar British aur dunia ke society pe bhais rahaa.
This article uses material from the Wikipedia Fiji Hindi article Thomas Henry Huxley, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Agar duusra kaaran nai dewa gais hae, tab aap ii panna me likha gae chij ke aap CC BY-SA 4.0 ke niche kaam me lae sakta hai. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fiji Hindi (DUHOCTRUNGQUOC.VN) is an independent company and has no affiliation with Wiki Foundation.