Ny Çheeraghyn Balkanagh
She ard çheer-oaylleeagh as cultooragh 'syn Oarpey Hiar Yiass ad ny Çheeraghyn Balkanagh.
Ta ennym ny Sleityn Balkanagh, ta roie veih'n Vulgeyr Hiar gys y Terb Hiar, currit er yn ard.
Ta'n ard cummaltit ec Slavee (Bosniee, Bulgeyree, Bunjevci, Croitee, Gorani, Massadoanee, Montenegree, Serbee, Sloveanee), Ladjynee (Romaanee, Aromaanee), Greagee, Albaanee, Turkee as possanyn kynneeagh elley, lheid as Romanee, Ashkali, as possanyn elley. She yn Chreestiaght Chair-chredjuagh yn credjue smoo, roish y Chreestiaght Chatoleagh as yn Islam.
Ta'n ard 666,700 km2 (257,400 mi ker) er eaghtyr as 'sy vlein 2002 va 59,297,000 dooinney cummal ayn. Ta'n ard çhemmit liorish y Vooir Aidreeatagh 'sy neear hwoaie, liorish y Vooir Ionagh 'sy neear yiass, liorish y Veanvooir as y Vooir Aejeeanagh 'sy jiass as 'sy niar yiass, as liorish y Vooir Ghoo 'sy niar as 'sy niar hwoaie. Ta'n joarey hwoaie, er y chooid smoo, jeant seose jeh ny h-awinyn Danube (veih'n vooir gys Belgraaid) as Sava (veih Belgraaid gys boayl 'sy Clovean, beggan sheear veih Zagreb).
Çheeraghyn ta nyn lhie 'syn ard shoh, t'ad goaill stiagh:
Yn Albaan (slane 'syn ard)
Bosnia as Herzegovina (slane)
Y Chroit (cooid 'syn ard)
Y Clovean (cooid)
Y Ghreag (slane}
Kosovo (slane)
Montenegro (slane)
Y Romaan (cooid)
Y Serb (cooid)
Y Turkee (cooid)
Y Vassadoan Hwoaie (slane)
Y Vulgeyr (slane)
| She bun ta'n art shoh. Cur rish, son foays y yannoo da Wiki. |
This article uses material from the Wikipedia Gaelg article Ny Çheeraghyn Balkanagh, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.