डॉ .जु़जे पेरेइर

मुंबयच्या सिध्दार्थ कॉलेजींतल्यान तांणी १९५१ वर्सा संस्कृत विशय घेवन बी ए ऑनर्स ही पदवी घेतली।उपरांत १९५१ वर्साच तांणी मुंबयच्यान सेंट झेवियर कॉलेजींतल्यान भारताचो पुर्विल्लो इतिहास आनी संस्कृताय ह्या विशयांत मुंबय विद्यापिठाची डॉक्टरेट घेतली।

१९७० सावन ते न्यूर्याक,शारांतल्या फोर्डहॅम विद्यापिठांत धर्मशास्त्र शिकयताले।१९७० ते १९७६ ह्या काळांत तें थंय पालवी प्रोफेसर आशिल्ले।१९७६ ते १९८६ मेरेन तांणी थंय असोसिएट प्रोफेसर म्हण काम केले।१९८६ वर्सां ते थंय प्रोफेसर जाले।

धर्मशास्त्र,वास्तुशास्त्र,भासशास्त्र,शास्त्रीय संगीत,लोकसाहित्य,इतिहास ह्या सारक्या विशयांचेर तांचें प्रभुत्व आसा।ह्या विशयांत तांणी आजवेर जायतो सोदवावर केला।तांची ज्ञानसाधना तांणी खूब वर्सां निश्टेन चलयिल्ली आसा।अमेरिकन अॅकेडमी ऑफ बनारस,वाराणासी,तेच भाशेन लंडन विद्यापिठाच्या प्राच्यविद्या विभाग आनी लिज्बनचें इन्शिततूत सुपेरियोर दे इशतूदुश उल्त्रामरीनुश ह्या शिक्षण संस्थांनी तांणी संशोधनाचो वावर केला।

ते एक फिशाल चित्रकार आनी फ्रेस्को-पेंटरय जावन आसात।

• आतां मेरेन तांचे १६ ग्रंथ आनी १०० वयर सोद-निबंध उजवाडाक आयल्यात।
• तांच्या कार्याची दखल राष्ट्रीय आनी आंतरराष्ट्रीय थराचेर तांकां जायते भोवमान फाव जाल्यात।

कोंकणी भास आनी साहित्यीक आंतरराष्ट्रीय थराचेर प्रतिश्टा मेळोवन दिवंक तांणी केल्या कार्या खातीर गोंयच्या कुळागर प्रकाशनान २००० वर्सा कुळागर पुरस्कार भेटोवन तांचो गौरव केला।