एॅनी बेझंट ही एक भारतीय राजकरण,धर्म,शिक्षण,समाजसुदारणा आदी क्षेत्रांत म्हान कार्य केल्ली एक ब्रिटीश बायलमानीस.
नामनेच्यो थाऑसॉफिस्ट आनी भारतीय राजकारण, धर्म, शिक्षण, समाजसुदारणा आदीं क्षेत्रांत म्हान कार्य केल्ली एक ब्रिटीस बायलमनीस. तिचो जल्म इंग्लंडात 1 ऑक्टोबर 1847 दिसा जालो. तिची आवय एमिली ही आयरीश आसली आनी बापूय विल्यम पेजवुड हो लेगीत ताच्या आवय कडल्यान आयरीशच आशिल्लो. एमिलीक तिच्या आवयच्या इश्टिणीन शिकपा खातीर आपले लागीं दवरून घेतलें. एमिलीक तिणे जर्मन, फ्रेंच हो भासो आनी संगीत हाचें शिक्षण दिलें. तशेच ऍनीत समाजसेवेची आवड निर्माण केली. या काळांत ऍनी वृत्तीन पांथीक जाली. फुडे रेव्हफ्रँक बेझंट या ख्रिस्ती पंथोपदेशका लागीं तिचें लग्र जालें. तांकां दिग्बी हो चलो आनी मेबेल नावाची चली अशीं दोन भुरगीं जालीं. 1874 चालर्झ ब्रॅडला हांच्या ‘नॅशनल सेक्युसर सोसायटी’ त एमिली सामील जाली. त्या काळांत नास्तिकता, संततिनियमन, बायलांक मतदानाचो अधिकार हांचो प्रचार केल्ले खातीर तिचो खूब्ब सामाजीक छळ जालो. तिचेर खटले भरले गेले. लंडनातल्या पयल्या ट्रेड युनियन्सची स्थापन तिणेच केली. 1893 या वर्सा ऍनी भारतांत आयली आनी मरसंर भारतांतूच रावली. हांगा तिणे धर्म, शिक्षण आनी संस्कृतीचे सखोल अध्ययन केले. आपूण आदल्या जल्मांत हिंदू आशिल्ली आनी या जल्मांतूय आपूण श्रध्देन हिंदू आसा अशें ती मानपाक लागली. तिणें भारतभर प्रवास करून रामायण, महाभारत, उपनिषदां हांचेर अनेक व्याखानां दिली. गितेचे इंग्लीशींत भाशांतर केलें (1905). तिणें लागीं लागीं 450 ग्रंथ बरयलें.ता. 20 सप्टेंबर 1933 दिसा तिका मरण आयलें.
This article uses material from the Wikipedia गोंयची कोंकणी / Gõychi Konknni article ऍनी बेझं, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.