Ásia Ñe'ẽnguéra

Ñe'ẽnguéra ojejuhúva Asiagua yvyrusúpe jaguereko:

• Ñe'ẽnguéra altáika aty, techapyrãrõ tuykiañe'ẽ, mongoliañe'ẽ térã manchu,
• Dravídika aty, ojejuhúva India guy gotyo ha oikehápe ñe'ẽ techapyrãrõ tamil térã malajam,
• Sino-tivetána aty, oikehápe, ambue pa'ũme, chinañe'ẽ, virmáno térã tiveteñe'ẽ,
• Austro-asiátika aty, oikehápe vienãñe'ẽ, laosiáno térã klmer. Oĩ ñe'ẽpapára he'íva ko ñe'ẽ aty ojoguaha austronésika ha dáikape (tailándiapegua) ha omohendase peteĩ aty guasu pyahu hérava áustriko atýpe,
• Ipahápe, oĩ ñe'ẽnguéra oikéva chukóko-kamcháka atýpe, ñe'ẽnguéra oguepotaitémava.

Ñe'ẽ aty iñasãiva ambue yvyguasúre ha'e ko'ãva:

• Afro-asiátika, áraveñe'ẽ rupive oñemoaguive jahechaháicha Afrikare,
• Indoeuropéa, ñe'ẽnguéra hársi, kúrdo, hindi ñe'ẽ, vengali ñe'ẽ, urdu ñe'ẽ, rrusiañe'ẽ, nepali ñe'ẽ, ha oĩve, ãva urálika aty ndive ombojoaju Európare iñe'ẽmbo'e,
• Eskímo-aleutína aty – ñe'ẽ jupíy – omoagui Ásia Amérikare,
• Austronésika pa'ũme oĩ ñe'ẽ indonésio, malájo, tagálo, oĩve ñe'ẽ ha omoagui yvyguasu Ásia Oseaniare.

Oñemohenda rire ñe'ẽnguéra ikatúva ogayguápe, oĩ heta ambue ikatu'ỹva ojejuhu ijoguaha, techapyrãrõ hapõñe'ẽ, koreañe'ẽ, aínu ñe'ẽ térã guíliay ñe'ẽ.

Umi ñe'ẽ Asia pegua oñeñe'ẽvéva ha'e:

Ñe'ẽ	Aty oñemohendáva	Oñe'ẽva (1996)	Tetã
Chinañe'ẽ	Sino ñe'ẽ	885 sua	Chína
Hindi ñe'ẽ	Indo ária ñe'ẽ	474 sua	Índia Pakitã
Vengali	Indo ária ñe'ẽ	189 sua	Vangalande Índia
Rrusiañe'ẽ	Eslava ñe'ẽ	170 sua	Rrúsia
Hapõñe'ẽ	Hapõ ñe'ẽ aty	125 sua	Hapõ
Wu ñe'ẽ	Sino ñe'ẽ	77 sua	Chína
Háva ñe'ẽ	Austronésia ñe'ẽ	75 sua	Indonésia Kuarahyresẽ Timor Malásia Surinã
Koreañe'ẽ	aty'ỹ	75 sua	Ñemby Koréa Yvate Koréa Chína
Vienãñe'ẽ	Mon-Khemer ñe'ẽ	68 sua	Vienã
Télugu	Drávida ñe'ẽ	66 sua	Índia
Kãtone ñe'ẽ	Sino ñe'ẽ	66 sua	Chína
Marati ñe'ẽ	Indo ária ñe'ẽ	65 sua	Índia
Tamil	Drávida ñe'ẽ	63 sua	Índia
Tuykiañe'ẽ	Tuykia ñe'ẽ aty	59 sua	Tuykía